PS Isabelle Coulson a PS Ross Phillips
Enwebiad ar gyfer gwobr Dewrder
Roedd Isabelle Coulson a Ross Phillips, dau sarjant yn Heddlu Gwent, ymhlith y cyntaf i gyrraedd lleoliad ymosodiad gan gi ymosodol a pheryglus yng Nghaerffili ym mis Tachwedd 2021. Roedd y ci wedi ymosod ar fachgen 10 oed, Jack Lis. Gan feddwl yn gyflym, gweithredodd PS Coulson a PS Phillips gyda dewrder eithriadol. Dyfeision nhw gynllun i fynd i mewn i'r tŷ lle digwyddodd yr ymosodiad. Tra bod PS Coulson yn tynnu sylw'r ci, roedd PS Phillips yn gallu mynd i mewn i'r eiddo a rhoi sylw i Jack. Er hynny, ceisiodd y ci ddianc o'r tŷ, ond llwyddodd PS Phillips i gadw'r ci y tu mewn, gan amddiffyn aelodau eraill o'r cyhoedd oedd y tu allan. Llwyddodd PS Phillips i gael Jack y tu allan ac i ffwrdd o'r ci, ond yn drasig canfu fod Jack wedi marw o'i anafiadau. Dangosodd PS Phillips a PS Coulson gymeriad rhagorol yn y digwyddiad angheuol ac ofnadwy hwn. Fe wnaethant weithredu gyda'r proffesiynoldeb mwyaf mewn amgylchiadau brawychus a thrasig, gan feddwl yn unig am amddiffyn a helpu’r cyhoedd.