Tîm Therapi ac Adferiad Brynawel Rehab
Gwobr Gweithiwr Allweddol enillwyr 2024
Criw bach ond ymroddedig yw Tîm Therapi ac Adferiad Brynawel Rehab, sy’n darparu rhaglenni asesu ac adsefydlu ar gyfer oedolion â dibyniaeth, anhwylder defnyddio sylweddau neu Niwed i'r Ymennydd sy'n Gysylltiedig ag Alcohol. Mae'r tîm yn gweithio ochr yn ochr â therapyddion, staff meddygol a therapyddion galwedigaethol i drin 100 o bobl y flwyddyn ar gyfartaledd. Mae eu dull therapiwtig yn eu galluogi i weithio gyda phobl ag anghenion cymhleth ynghyd â phroblemau iechyd meddwl a thrawma.
Cynllunnir y rhaglenni triniaeth o amgylch pob unigolyn, gan weithio tuag at amcanion adferiad mewn 'pentref adfer' diogel a thawel. Darperir ymyriadau ar bob cam o adferiad yr unigolyn. Mae hyn yn cynnwys rhandiroedd therapiwtig, gerddi a therapi garddwriaethol sy'n caniatáu i bobl fod yn berchen ar damaid o randir a dysgu sgiliau newydd wrth ofalu am blanhigion a bywyd gwyllt. Ar yr un pryd mae’n hybu sgiliau cymdeithasol a chyfathrebu.
Rhoddir cymorth i deuluoedd, ffrindiau a gofalwyr hefyd drwy’r grŵp cymorth 'Lleisiau Anghofiedig'.
Yn ystod pandemig Covid, fe wnaeth y tîm oresgyn heriau mawr i gynnal gwasanaeth llawn.
Pan fydd cleientiaid yn gorffen eu rhaglen driniaeth, maen nhw’n gallu cael mynediad am flwyddyn gyfan at wasanaeth newydd y tîm 'Tu hwnt i Frynawel' er mwyn cynnal eu hadferiad.
Mae’r adborth am ganlyniadau positif eu gwaith gyda rhai o'r rhai mwyaf agored i niwed mewn cymdeithas wedi bod yn ysbrydoledig.