Polisi a strategaeth, Dogfennu
Lessons from Auschwitz
Mae Lessons from Auschwitz yn gwrs sy'n seiliedig ar brofiad i fyfyrwyr, a ariennir gan Lywodraeth Cymru, sy'n archwilio gwersi cyffredinol yr Holocost a'i berthnasedd heddiw.
Yr hyn sy'n cael ei gynnig
- Seminar ymgyfarwyddo hanner diwrnod yng Nghaerdydd, gan gynnwys sgwrs gan oroeswr yr Holocost.
- Ymweliad undydd â Chofeb ac Amgueddfa Auschwitz-Birkenau yng Ngwlad Pwyl.
- Seminar dilynol hanner diwrnod.
- Gwaith grŵp wedi'i gefnogi i edrych ar ffyrdd y gall myfyrwyr rannu'r hyn maent wedi'i ddysgu.
Pwy sy'n cael gwneud cais?
Gall pob myfyriwr mewn addysg ôl-16 mewn ysgolion a cholegau a ariennir gan y wladwriaeth yng Nghymru gymryd rhan. Rhaid i athro a (neu) tiwtor cydlynu wneud cais ar ran y myfyrwyr.
Gall dau fyfyriwr o bob ysgol neu goleg gymryd rhan. Mae nifer cyfyngedig o leoedd ar gael i athrawon.
Beth yw'r gost?
Cost y cwrs yw £75 y pen. Mae cymorthdaliadau teithio ar gael.
Sut i wneud cais?
Mae lleoedd yn cael eu dyrannu ar sail y cyntaf i'r felin, gyda blaenoriaeth yn cael ei roi i ysgolion a cholegau nad ydynt wedi cymryd rhan o'r blaen.