Lles (Arolwg Cenedlaethol Cymru): Mawrth 2013 i Ebrill 2015

Prif bwyntiau

• Roedd 45% o fenywod yn cofnodi lefelau uchel o deimlo bod pethau sy'n cael eu gwneud mewn bywyd werth chweil, o gymharu â 40% o ddynion. (Seiliedig ar arolwg 2014-15)
• Roedd aelwydydd dau oedolyn yn hapusach na phobl sy'n byw wrth eu hunain, gyda'r pensiynwyr priod yn cofnodi'r lefel uchaf o hapusrwydd ar gyfartaledd, sef 8.1 (ar raddfa rhwng 0 a 10). (2014-15) Ffeithlun: 2014-15 Arolwg Cenedlaethol Cymru
• Roedd 74% o ddynion a 46% o fenywod yn teimlo'n ddiogel iawn yn cerdded wrth eu hunain ar ôl iddi dywyllu mewn ardaloedd gwledig o gymharu â 51% o ddynion a 21% o fenywod sy'n teimlo'n ddiogel iawn yn cerdded wrth eu hunain ar ôl iddi dywyllu mewn ardaloedd trefol. (2014-15)
• Roedd pobl oedd yn teimlo'n dawel ac yn heddychlon drwy'r amser â lefel sylweddol uwch o ymddiriedaeth mewn pobl eraill o gymharu â'r rhai oedd yn teimlo'n isel ac yn ddigalon drwy'r amser. Sgôr cyfartalog o 7.4 o gymharu â 4.8 (ar raddfa rhwng 0 a 10). (2013-14)
• Roedd 66% o'r rhai oedd yn fodlon iawn â'u swydd bresennol hefyd yn fodlon iawn â'u hamser cymudo. Mae hyn o gymharu â 41% o bobl oedd â boddhad isel â'u swydd bresennol ac oedd hefyd â boddhad isel â'u hamser cymudo. (2013-14)