Mae Llywodraeth Cymru wedi cyhoeddi’r Biliau newydd ar agenda blwyddyn olaf tymor y Senedd hon, gan ganolbwyntio ar gyfreithiau a fydd yn cyflawni i bobl Cymru.
Mae Llywodraeth Cymru yn cyflwyno pedwar Bil allweddol a fydd yn ceisio gwella safonau ledled Cymru. Maent yn cynnwys:
- Mesurau newydd i gryfhau atebolrwydd Aelodau o’r Senedd.
- Bil a fydd yn ei gwneud yn ofynnol i lety ymwelwyr fodloni set berthnasol o safonau i helpu i roi hyder i ymwelwyr o ran eu diogelwch a gwella profiadau ymwelwyr, gan gynnal twristiaeth, rhan hanfodol o economi Cymru.
- Deddfwriaeth i wahardd rasio milgwn.
- Biliau cydgrynhoi i symleiddio cyfreithiau cynllunio, gan eu gwneud yn gliriach i bawb.
Mae’r Llywodraeth eisoes wedi datblygu Biliau sy’n cyflawni i Gymru, gan gynnwys pasio deddf i ddileu elw o ofal plant sy’n derbyn gofal a chyflwyno Bil i wella gwasanaethau bysiau.
Cyflwynodd y Gweinidog Cyflawni, Julie James, y datganiad gerbron y Senedd. Dywedodd:
Bydd blwyddyn olaf ein rhaglen ddeddfwriaethol yn dangos bod Cymru yn barod i arwain a hynny drwy ein gwaharddiad ar rasio milgwn, mater y mae’r holl bleidiau yn ei gefnogi.
“Rydyn ni’n cyflwyno mesurau i gryfhau atebolrwydd Aelodau i’w hetholwyr, a bydd rheoleiddio llety ymwelwyr yn rhoi hwb i’n heconomi a phrofiadau twristiaeth. Bydd sicrhau bod cyfreithiau cynllunio yn fwy hygyrch hefyd yn helpu i gyflymu penderfyniadau a thyfu'n heconomi.