Lwfans Gyrfaoedd Digidol, Data a Thechnoleg (DDaT): canllawiau i ymgeiswyr allanol
Yn darparu gwybodaeth allweddol am y Lwfans DDaT ar gyfer ymgeiswyr allanol.
Efallai na fydd y ffeil hon yn gyfan gwbl hygyrch.
Ar y dudalen hon
Cyflwyniad
Mae'r ddogfen hon yn darparu gwybodaeth allweddol am y lwfans DDaT ar gyfer ymgeiswyr allanol. Darperir rhagor o wybodaeth ar ôl penodiad.
Beth yw'r lwfans DDaT?
Mae'r lwfans DDaT yn ffordd o gydnabod rolau y mae galw mawr amdanynt ac sy'n anodd eu recriwtio a'u cadw (a elwir yn rolau Grŵp 1). Mae Llywodraeth Cymru yn cydnabod yr angen am y rolau hynod dechnegol hyn o fewn ei gweithlu, a'r angen i fod yn gystadleuol wrth ddenu a chadw'r set sgiliau sydd eu hangen i gefnogi'r gwaith o gyflawni blaenoriaethau sefydliadol a gweinidogol.
Mae'r lwfans DDaT yn lwfans proffesiynol sydd ynghlwm wrth swydd. Mae'n bensiynadwy, yn angontractiol ac yn ychwanegol at gyflog sylfaenol.
Mae gan y lwfans DDaT dair lefel hyfedredd: Datblygu, Hyfedr a Medrus Iawn. Mae gan bob lefel hyfedredd swm lwfans gwahanol ynghlwm.
Symiau lwfans DDaT
Mae'r tabl yn nodi'r symiau Lwfans DDaT a gynigir ar gyfer pob gradd a lefel hyfedredd
| TS | EO | HEO | SEO | G7 | G6 | |
|---|---|---|---|---|---|---|
| Datblygu | £1,000 | £1,250 | £2,100 | £3,150 | £3,750 | £5,625 |
| Hyfedr | £1,500 | £1,875 | £3,150 | £4,725 | £5,625 | £8,438 |
| Medrus Iawn | £1,950 | £2,348 | £4,095 | £6,143 | £7,313 | £10,969 |
Lwfans DDaT i ymgeiswyr allanol
Bydd ymgeiswyr llwyddiannus yn derbyn lefel hyfedredd 'Datblygu' y Lwfans DDaT ar ôl eu penodi
Ar ôl cwblhau'r cyfnod prawf yn llwyddiannus, bydd y gweithiwr newydd yn gymwys i optio i mewn i'r broses asesu ar gyfer lefel hyfedredd 'Hyfedr' neu ‘Medrus Iawn’ yn y cylch asesu nesaf