Manyleb Brentisiaethau Cymru arfaethedig

Rydym yn ymgynghori ar y cynnig a fyddai'n gosod y gofynion ar gyfer prentisiaethau Cymreig cymeradwy o dan adran 115 o Ddeddf Addysg Drydyddol ac Ymchwil (Cymru) 2022.

Byddai’r cynigion yn gwneud y canlynol:

• sefydlu manyleb newydd ar gyfer prentisiaethau Cymreig cymeradwy o dan y fframwaith deddfwriaethol newydd ar gyfer prentisiaethau yng Nghymru
• gosod gofynion ar gyfer cynnwys, datblygu, adolygu, diwygio a chyhoeddi fframweithiau prentisiaethau a'u tynnu yn ôl
• cynnal cymhwysedd galwedigaethol fel ffocws canolog prentisiaethau
• darparu mwy o hyblygrwydd mewn achosion lle nad oes cymwysterau ar gael neu lle mae angen datblygu rhai newydd
• cyflwyno dull mwy cymesur o ymdrin â gofynion Sgiliau Hanfodol ar lefelau prentisiaeth uwch
• cefnogi'r gwaith o ystyried cyfleoedd i ehangu mynediad at brentisiaethau a ddarperir drwy gyfrwng y Gymraeg
• darparu sefydlogrwydd a pharhad i ddysgwyr, cyflogwyr a darparwyr wrth weithredu'r trefniadau newydd

Mae'r ymgynghoriad hwn hefyd yn gofyn am farn ar y Canllawiau drafft ar Gymhwyso Manyleb Brentisiaethau Cymru, y Rhestr ddrafft o Gymwysterau Procsi Cydnabyddedig ar gyfer Sgiliau Hanfodol (Cymru), a'r Asesiad Effaith Integredig drafft.