Mesurau deilliannau dysgwyr ar gyfer dysgu seiliedig ar waith a dysgu oedolion: Awst 2018 i Orffennaf 2019

Mesurau deilliannau dysgwyr ar gyfer dysgu seiliedig ar waith (DSW)

• Roedd cyfradd llwyddo fframwaith prentisiaeth ar gyfer dysgu seiliedig ar waith yn 80.9%, gostyngiad o 0.6 o bwynt canran ers 2017/18.
• Symudodd 75% o ddysgwyr a adawodd rhaglenni Hyfforddeiaeth yn 2018/19 ymlaen i gyflogaeth (gan gynnwys hunangyflogaeth neu waith gwirfoddol) neu ddysgu ar lefel uwch).

Mesurau deilliannau dysgwyr ar gyfer dysgu oedolion

• Roedd cyfradd llwyddo gyffredinol gweithgareddau dysgu oedolion yn 90%(r), i lawr 0.8 o bwynt canran ers 2017/18.
• Yn 2018/19 roedd cyfraddau cwblhau a llwyddiant gweithgareddau yn 96% a 90%(r) yn y drefn honno.

(r) Diwygiedig ar 03 Ebrill 2020

Adroddiadau deilliannau dysgwyr

Mae adroddiadau deilliannau dysgwyr yn grynodebau o'r cyfraddau llwyddiant dysgwyr a gyflawnwyd gan bob darparwr yng Nghymru. Mae'r adroddiadau yn dangos gwybodaeth yn ôl lliw ynghylch cyfraddau llwyddiant (sef canran yr holl gymwysterau a gyflawnwyd gan ddysgwyr) a chynnydd dysgwyr i gyflogaeth neu ddysgu pellach (ar gyfer darparwyr dysgu seiliedig ar waith).

Rydym yn cyhoeddi’r adroddiadau hyn yn flynyddol i roi gwybod i ddysgwyr, cyflogwyr, rhieni a'r cyhoedd yn gyffredinol ynghylch deilliannau darpariaeth a ariennir gan Lywodraeth Cymru.

Nodyn adolygu

Roedd 115 o weithgareddau dysgu i oedolion a gwblhawyd, a ddarparwyd yn uniongyrchol gan Wrecsam, wedi’u hepgor o fersiwn gyntaf y cyhoeddiad hwn a oedd ar gael rhwng 27 Chwefror 2020 a 3 Ebrill 2020. Mae’r ffigurau, y siartiau a thablau StatsCymru wedi cael eu cywiro ers hynny a’u marcio â (r). Roedd y diwygiad yn effeithio ar gyfradd lwyddo gyfan y dysgu ymhlith oedolion. Bellach mae wedi’i thalgrynnu i fyny i 90% yn hytrach nag i lawr i 89%. Fodd bynnag, y gyfradd lwyddo wedi’i thalgrynnu i 1 lle degol yw 89.5% o hyd.

Mewn fersiynau cynharach o'r adroddiad hwn, disgrifiwyd y mesurau amddifadedd yn anghywir fel rhai a oedd yn seiliedig ar brif fynegai Mynegai Amddifadedd Lluosog Cymru (MALlC). Mae'r mesurau amddifadedd mewn gwirionedd yn dod o barth incwm MALlC.

Cysylltwch â ni gan ddefnyddio'r manylion isod os hoffech gael ffigurau sy’n seiliedig ar brif fynegai MALlC.

Nodyn

Roedd fersiynau blaenorol o’r datganiad hwn yn cynnwys gwybodaeth am ddeilliannau dysgwyr Addysg Bellach. Ni fydd hyn yn parhau, gan fod yr ystadegau wedi’u disodli gan y mesurau perfformiad cyson ar gyfer dysgu ôl-16.