Mesurau perfformiad cyson ar gyfer dysgu ôl-16 (cyrchfannau dysgwyr): Awst 2019 i Orffennaf 2020

Chyrchfannau dysgwyr ar gyfer sefydliadau addysg bellach a chweched dosbarth ysgolion ay gyfer Awst 2019 i Orffennaf 2020.

Mae'r adroddiad hwn yn darparu ystadegau ddysgwyr yn 2019/20 a'u cyrchfannau’r flwyddyn ganlynol, felly, mae'n cwmpasu cyfnod o'r pandemig coronafeirws (COVID-19) ac yn rhoi'r olwg gyntaf ar yr effaith bosibl ar y dysgwyr hyn.

Prif bwyntiau

Mae'r siart bar hwn yn dangos cyrchfannau dysgwyr ôl-16 am y blynyddoedd academaidd 2014/15 i 2019/20. Mae'n dangos bod gan 84% o'r holl ddysgwyr a oedd yn gadael addysg ôl-16 yn 2019/20 gyrchfan barhaol yn 2020/21, gyda 85% yn 2018/19, 85% yn 2017/18, 84% yn 2016/17, 82% yn 2015/16 a 82% yn 2014/15.

O’r 110,140 o ddysgwyr a gwblhaodd raglen ddysgu yn 2019/20:

roedd gan 84% gyrchfan barhaus yn 2020/21 i naill ai cyflogaeth neu ddysgu, sydd 1 pwynt canran yn is na dysgwyr 2018/19
roedd 54% mewn cyflogaeth barhaus, sydd 7 pwynt canran yn is na dysgwyr 2018/19 ac roedd 49% yn dysgu’n barhaus, sydd 3 pwynt canran yn uwch na dysgwyr 2018/19
gall y gostyngiad mewn cyflogaeth barhaus a’r cynnydd cyfatebol mewn dysgu parhaus fod oherwydd yr amhariad a achoswyd gan y bandemig coronafeirws (COVID-19)

Gwybodaeth bellach

Mae'r adroddiad hwn yn edrych ar gyrchfannau dysgwyr ôl-16 (hynny yw, yr hyn y mae dysgwyr yn ei wneud ar ôl iddynt gwblhau eu rhaglen ddysgu), gan gynnwys y dysgwyr hynny sy'n ymgymryd â dysgu seiliedig ar waith.

Mae'n rhan o gyfres o dri mesur perfformiad cyson a ddatblygwyd ar gyfer addysg ôl-16. Mae adroddiad ar wahân yn rhoi gwybodaeth am gyflawniad dysgwyr, ond mae’r cyhoeddiad hwnnw wedi'i ohirio dros dro oherwydd materion sy'n gysylltiedig â threfniadau arholi ac asesu yn ystod pandemig y coronafeirws (COVID-19). Data arbrofol yw’r rhain ac fe fyddwn yn ymgynghori ymhellach gyda darparwyr dysgu ynghylch y fethodoleg.

Adroddiadau