Yr economi sylfaenol

Sut ydym am wella'r nwyddau a'r gwasanaethau sylfaenol y mae pawb yn dibynnu arnyn nhw.

Rhan o:

Cyhoeddwyd gyntaf:

24 Medi 2024

Diweddarwyd ddiwethaf:

21 Mai 2025

Cynnwys

Mae'r economi sylfaenol yn cynnwys sectorau sy'n darparu'r nwyddau a'r gwasanaethau rydyn ni'n eu defnyddio bob dydd.

Mae'r sectorau hyn:

yn llunio'r gwasanaethau rydyn ni'n eu defnyddio a'r lleoedd rydyn ni'n byw ynddynt
yn rhan hanfodol o fywyd bob dydd a'n cymunedau

Rydym am gefnogi'r bobl a'r sefydliadau sy'n gweithio yn y sectorau hyn:

i wneud yn siŵr bod eu gwasanaethau o ansawdd uchel ac yn hawdd cael gafael arnynt
i roi mwy o ymdeimlad o reolaeth a pherthyn i bobl yn eu cymunedau

Rydym yn canolbwyntio ar y rhannau canlynol o'r economi sylfaenol:

Mae cefnogi’r economi sylfaenol yn ymrwymiad allweddol yn ein cenhadaeth i gryfhau ac ailadeiladu’r economi: Genhadaeth i gryfhau ac ailadeiladu’r economi

Mae'r economi sylfaenol yn cyfrif am:

Mae cryfhau'r economi sylfaenol yn hanfodol er mwyn mynd i'r afael â heriau fel:

cryfhau rhannau sylfaenol yr economi, iddyn nhw allu gwrthsefyll ergydion allanol annisgwyl
helpu busnesau Cymru i fabwysiadu egwyddorion gwaith teg a chreu swyddi medrus iawn
gwella amodau gwaith, gan sicrhau gwaith teg, gwella sgiliau a sicrhau dilyniant gyrfa
cynnal busnesau lleol a'u helpu i dyfu, a chylchredeg yr elw a'r cyfoeth yng nghymunedau Cymru
gwella mynediad at nwyddau a gwasanaethau'r economi sylfaenol, gan wella lles pobl ledled Cymru

Darllenwch am ein hamcanion a'n dulliau yn yr Economi sylfaenol: datganiad cenhadaeth.

Woosnam Dairies: daeth dyn llaeth lleol yn brif gyflenwr llaeth i ysgol yng Nghymru gyda chymorth Cyngor Caerffili.
Awen Cultural Centre a B-Leaf: tyfu cynnyrch lleol yn gynaliadwy tra'n creu swyddi i oedolion ag anableddau dysgu.
NappiCycle: troi gwastraff yn rhywbeth gwerthfawr drwy ddefnyddio ffibrau wedi'u hailgylchu o Ganolfan Wyliau Bluestone i adeiladu ffyrdd a phalmentydd.
Can Cook: mynd i'r afael â thlodi bwyd drwy ddarparu prydau bwyd ffres, maethlon, gyda chymorth Cronfa Cefnogi Cwmnïau Lleol Llywodraeth Cymru.
Ymddiriedolaeth GIG Prifysgol Felindre: hyrwyddo ffynonellau bwyd cynaliadwy o fewn y GIG i wella iechyd a lles gan gefnogi sector bwyd cydnerth yng Nghymru.
Simply Do Ideas: defnyddio arloesedd digidol i helpu sefydliadau'r sector cyhoeddus oresgyn rhwystrau i fanteisio ar y syniadau gorau.
Bwydydd Castell Howell: cydweithio i ysgogi newid cymdeithasol, amgylcheddol ac economaidd yn y gadwyn gyflenwi.
Cyngor Bwrdeistref Sirol Caerffili: yn arwain y gwaith o newid strategaethau caffael bwyd, a chydnabod eu cyfraniad at gadwyni cyflenwi lleol.
Partneriaeth Cydwasanaethau GIG Cymru: diweddaru strategaethau caffael bwyd i gynyddu gwariant y GIG o fewn yr Economi Sylfaenol trwy ddefnyddio mwy o gyflenwyr lleol.
Harlech Foods: hyrwyddo gwerth cynnyrch lleol drwy gyflenwi bwyd o Gymru i'r sector cyhoeddus.