Mahieddine Dib: EYST

Mae Mahieddine yn gwirfoddoli mewn Tîm Cymorth Ieuenctid Ethnig  (EYST) yn Wrecsam. Mae'n aelod allweddol o'r tîm, ac mae ganddo ffordd gadarnhaol, gynnes, gyfeillgar a chroesawgar gyda phawb. Mae ei rôl yn cynnwys sicrhau bod y bobl ifanc i gyd yn cofrestru bob wythnos, gan gyfarch pob un ohonynt yn unigol a chymryd yr amser i siarad â nhw.

Yn siaradwr Arabeg rhugl, mae ei brofiad wedi bod yn amhrisiadwy wrth groesawu pobl ifanc a’u teuluoedd sy’n siarad Arabeg i'r ardal. Mae Mahieddine yn addysgu pobl ifanc yn anffurfiol ar y pethau bychain a all wneud gwahaniaeth enfawr – gan rannu opsiynau cymorth sydd wedi bod o fudd iddo ef, rhannu cyfleoedd y mae gan bobl ifanc ddiddordeb ynddynt, eu cyfeirio at wybodaeth, a bod yn wyneb cyfeillgar a chefnogol. Mae'n defnyddio dulliau diwylliannol-sensitif a chynhwysol i addysgu a grymuso'r bobl ifanc y mae'n eu cefnogi.

Mae Mahieddine yn ymroddedig dros ben ac yn addasu'n wych i anghenion y grŵp. Mae'n ymwneud â phob un o brosiectau’r Tîm Cymorth Ieuenctid Ethnig. Yn dilyn cais llwyddiannus am Grant Dan Arweiniad Ieuenctid gan Gymdeithas Mudiadau Gwirfoddol Wrecsam, gwerth £1,000 aeth ati yn ddiweddar i gynllunio a gweithredu prosiect i ddarparu pryd bwyd am ddim mewn bwyty ar gyfer teuluoedd ethnig lleiafrifol bregus oedd newydd symud i Wrecsam. Roeddent wrth eu bodd yn cael creu cysylltiadau a chydberthnasau newydd. Gwnaeth yr effaith gadarnhaol y mae Mahieddine yn ei chael ar y bobl ifanc y mae'n gweithio gyda nhw argraff ar y beirniaid, a chanmolwyd hefyd ei ymroddiad i ddysgu a rhannu ei brofiadau er budd eraill.