Trafnidiaeth rheilffyrdd: Ebrill 2021 i Fawrth 2022

Parhaodd pandemig y coronafeirws (COVID-19) i effeithio ar wasanaethau trafnidiaeth ar y rheilffyrdd yn 2021-22 (rhwng 1 Ebrill 2021 a 31 Mawrth 2022), ond i raddau llai nag yn 2020-21.

Prif bwyntiau

Image

Disgrifiad o Ffigur 1: Siwrneiau teithwyr rheilffordd i/o Gymru neu o fewn Cymru rhwng 1995–96 a 2021–22, roedd gynnydd yn nifer y siwrneiau gan deithwyr yn 2021–22 o’i chymharu â’r flwyddyn flaenorol.

• Yn 2021-22, gwnaed 17.7 miliwn o siwrneiau ar y rheilffyrdd gan deithwyr a oedd naill ai wedi dechrau neu wedi gorffen ei siwrneiau yng Nghymru. Roedd hynny dros dair gwaith yn fwy nag yn ystod y flwyddyn gynt, ond yn ostyngiad o 41% o gymharu â 2019-20.
• Roedd dros ddau draean (64%) o’r siwrneiau hynny yng Nghymru (Ffigur 1).
• Cynyddodd nifer y siwrneiau gan deithwyr ar y rheilffyrdd yng Nghymru i 11.3 miliwn yn 2021-22.
• Roedd nifer y siwrneiau gan deithwyr ar y rheilffyrdd yng Nghymru wedi mwy na threblu o gymharu â 2020-21, ond dim ond ychydig dros hanner y siwrneiau a wnaed yn 2019-20 oedd y nifer hwnnw.
• Caerdydd oedd y cyrchfan mwyaf cyffredin ar gyfer siwrneiau yng Nghymru (4.4. miliwn o siwrneiau gan deithwyr), gan gyfrif am 38.9% o’r holl siwrneiau.
• Yn 2021 bu farw 8 o bobl ar y rheilffyrdd, roedd 6 o’r rheini’n achosion o hunanladdiad.
• Hunanladdiad sydd i gyfrif am y rhan fwyaf o’r marwolaethau ar y rheilffyrdd ers 2012.
• Yn 2021-22, cynyddodd troseddau ar reilffyrdd Cymru 35% o gymharu â’r flwyddyn gynt, ond roedd nifer y troseddau’n debyg i’r nifer a welwyd yn 2019-20.
• Rhoddwyd gwybod am 1,440 o droseddau hysbysadwy ar reilffyrdd Cymru yn 2021–22, cynnydd o 377 o gymharu â’r flwyddyn gynt.