Cynllun grantiau Llywodraeth Cymru i hyrwyddo a hwyluso’r defnydd o’r Gymraeg: adolygiad

Nod yr adolygiad oedd cynnig arweiniad i Lywodraeth Cymru wrth iddi gynllunio model cyllido a strwythurau ar gyfer y dyfodol i gefnogi defnydd y Gymraeg.

Cyflawnwyd hyn drwy:

• osod y Cynllun Grantiau yng nghyd-destun strategol Cymraeg 2050: miliwn o siaradwyr ac amcanion polisi Llywodraeth Cymru mewn meysydd perthnasol allweddol;
• archwilio’r llenyddiaeth am fodelau arloesi, grymuso cymunedol a gweithio mewn partneriaeth, a’u perthnasedd i ddefnydd iaith;
• archwilio modelau sy’n meithrin gallu cymunedau a buddiolwyr i fesur canlyniadau ac effaith eu gweithgarwch;
• cynnal gwerthusiad proses o sut mae’r Cynllun Grantiau presennol yn cael ei weithredu;
• datblygu theori newid i archwilio’r trywydd rhesymeg rhwng mewnbynnau, gweithgareddau, allbynnau a deilliannau disgwyliedig y Cynllun Grantiau.

Mae’r adolygiad yn cynnig cyfres o argymhellion ar gyfer datblygu’r Cynllun Grantiau i’r dyfodol.