Cymorth myfyrwyr Cymru

Cei gymorth ariannol ar gyfer yr ysgol neu goleg

Gall mynd i ysgol neu goleg dy helpu i ennill cymwysterau, darganfod diddordeb, gwneud ffrindiau neu baratoi at y dyfodol. Y peth gorau? Mae cymorth ariannol ar gael i helpu â dy daith addysgol!

Lwfans Cynhaliaeth Addysg (LCA)

Os wyt ti’n 16 i 18 oed, yn byw yng Nghymru ac yn astudio yn yr ysgol neu'r coleg, efallai y byddi di’n gymwys i gael cymorth ariannol drwy'r Lwfans Cynhaliaeth Addysg (LCA).

Gall myfyrwyr cymwys gael £40 yr wythnos, sy’n cael ei dalu'n uniongyrchol i ti bob pythefnos, a gellir ei ddefnyddio ar gyfer unrhyw beth sy'n dy helpu i barhau â dy addysg.

Beth yw’r LCA?

Gall yr LCA helpu gyda chostau addysg bob dydd fel teithio, bwyd, hanfodion astudio neu dreuliau eraill. Fydd cael LCA ddim yn effeithio ar unrhyw fudd-daliadau i dy gartref gan gynnwys y Budd-dal Plant, Credydau Treth, Credyd Cynhwysol neu Lwfans Cyflogaeth a Chymorth.

Pwy all gael LCA?

Galli di fod yn gymwys os:

  • Wyt ti’n 16-18 oed
  • Yn byw yng Nghymru
  • Yn astudio cwrs ysgol neu goleg cymwys
  • Yn bodloni'r gofynion presenoldeb
  • Os ydy incwm dy gartref yn bodloni'r meini prawf

Does dim angen dy ganlyniadau TGAU arnat ti cyn gwneud cais a galli di wneud cais hyd yn oed os nad wyt ti wedi dewis dy gwrs eto. 

Gwiria a wyt ti’n gymwys

Cer i wefan Cyllid Myfyrwyr Cymru i ddysgu mwy, gwirio a wyt ti'n gymwys a dechrau ar dy gais LCA Cymru.

Cefnogaeth arall i fyfyrwyr

Grant Dysgu Llywodraeth Cymru

Os ydych chi'n 19 oed neu'n hŷn ac yn astudio yn y coleg, efallai y byddwch chi'n gymwys i gael y grant hwn. 

Gallech chi gael hyd at £1,919 i helpu gyda chostau coleg. 

Gwiriwch a allwch chi gael Grant Dysgu Llywodraeth Cymru ar wefan Cyllid Myfyrwyr Cymru.

Y Gronfa Ariannol Wrth Gefn

Mae'r gronfa hon yn rhoi arian i fyfyrwyr sydd angen help ychwanegol. Nid oes angen ichi ei dalu'n ôl.

Gallwch chi wneud cais am arian y gronfa hon hyd yn oed os ydych chi eisoes yn cael Lwfans Cynhaliaeth Addysg neu Grant Dysgu Llywodraeth Cymru.

I gael gwybod mwy, siaradwch â'ch tiwtor neu swyddfa'r coleg.

Teithio'n rhatach ar y bysiau

Os ydych chi'n 16 i 21 oed, gallwch chi gael FyNgherdynTeithio am ddim.

Drwy ddefnyddio FyNgherdynTeithio byddwch chi'n talu tua 30% yn llai am bris y tocyn. Mae hyn yn arbed arian ichi ei wario ar bethau eraill.

Mae Llywodraeth Cymru yn arbrofi ar dâl hyd yn oed rhatach ar hyn o bryd:

  • £1 am docyn unffordd
  • £3 am docyn diwrnod

Dangoswch FyNgherdynTeithio i'r gyrrwr i gael y disgownt.

I gael rhagor o wybodaeth a gwneud cais, ewch i fyngherdynteithio.trc.cymru.

Mynd i'r brifysgol?

Os ydych chi'n mynd i'r brifysgol, mae cymorth ariannol ar gael i helpu gyda ffioedd a chostau byw.