Ymchwil yn edrych ar ffyrdd o wella’r Cynllun Cyflogwr Hyderus o ran Anabledd yng Nghymru

Yn 2023, cytunodd Cadeiryddion Gweithgorau'r Tasglu Hawliau Pobl Anabl i gydweithio â Llywodraeth Cymru i dreialu dull prototeip o gydgynhyrchu Ymchwil Gymdeithasol y Llywodraeth.

Cynhaliwyd tri grŵp ffocws a oedd yn cynnwys cyflogwyr, undebau llafur, a chynrychiolwyr sefydliadau a grwpiau pobl anabl.

Mynegodd y cyfranwyr ar eu barn am y cynllun presennol. Myfyriodd llawer ar y problemau a brofwyd gyda'r cynllun presennol, yn enwedig ar y lefelau isaf.

Archwiliodd yr ymchwil awgrymiadau cyfranogwyr ar sut i wella'r cynllun presennol. Awgrymwyd cynyddu adnoddau fel staff, cyllid a gallu ymhlith rhanddeiliaid i wneud gwelliannau. Cynigiwyd y gallai pobl â phrofiad bywyd hefyd gael rôl mewn gwerthusiad annibynnol o'r cynllun yn y dyfodol.

Yn ogystal, ystyriodd y cyfranogwyr y manteision a'r heriau posibl o gael cynllun Cymraeg pwrpasol neu elfen ddatganoledig o fewn cynllun cenedlaethol.

Roeddent o'r farn bod cyfleoedd clir a manteision posibl o gael cynllun Cymraeg pwrpasol. Fel arall, roedd cefnogaeth gref hefyd i'r posibilrwydd o gynyddu'r adnoddau sydd ar gael a gwneud gwelliannau i'r cynllun yn hytrach na datblygu rhywbeth newydd i Gymru.