Datganiad Ysgrifenedig: Gorchymyn Iechyd Anifeiliaid (Rheolaethau Mewnforio) (Cymru) 2025

Bydd aelodau'r Senedd yn dymuno bod yn ymwybodol fy mod wedi gosod Gorchymyn Iechyd Anifeiliaid (Rheolaethau Mewnforio) (Cymru) 2025, sy'n cyfyngu ar fewnforio nwyddau penodol yn bersonol o wladwriaethau yr Ardal Economaidd Ewropeaidd (AEE) ynghyd ag Ynysoedd Ffaro, y Swistir a'r Ynys Las. 

Mae hyn wedi disodli y mesurau diogelu tymor byr presennol sydd ar waith i gyfyngu ar fewnforio cig anifeiliaid cnoi cil a chig moch, a chynhyrchion llaeth, o wladwriaethau yr AEE ynghyd ag Ynysoedd Ffaro, y Swistir a'r Ynys Las i Gymru i'w bwyta a'u defnyddio'n bersonol. Mae rhagor o fanylion i'w gweld yma. 

O gymharu â mewnforion masnachol, mae ansicrwydd amrywiol mewn ardystio, olrhain a bioddiogelwch mewnforion personol.  Mae mewnforion personol yn her arbennig o ran olrhain gan na ellir canfod tarddiad cynhyrchion sy'n dod o anifeiliaid (POAO) gan nad oes angen tystysgrifau iechyd arnynt. Mae hyn wedyn yn peri risg sylweddol y gallai clefydau iechyd anifeiliaid gael eu cyflwyno i Brydain Fawr (dolen allanol, Saesneg yn unig). 

Bydd y Gorchymyn newydd hwn yn darparu amddiffyniad hirdymor, gwydn rhag y risg o glefydau yn ymledu drwy fewnforio POAO yn bersonol i Brydain Fawr. 

Mae Llywodraeth Cymru yn parhau yn ymrwymedig i gynnal ein bioddiogelwch a'n ffiniau yn wyneb y risgiau cynyddol hyn o glefydau a byddant yn parhau i sicrhau diogelwch ein ffermwyr a'n heconomi. 

Cyhoeddir y datganiad hwn yn ystod y toriad er mwyn rhoi’r wybodaeth ddiweddaraf i’r Aelodau. Os bydd yr Aelodau am imi wneud datganiad pellach neu ateb cwestiynau ynghylch hyn pan fydd y Senedd yn dychwelyd, byddaf yn hapus i wneud hynny.