Cyfarfod y Cabinet: 22 Medi 2025

• Y Gwir Anrhydeddus Eluned Morgan AS (Cadeirydd)
• Huw Irranca-Davies AS
• Jayne Bryant AS
• Mark Drakeford AS
• Rebecca Evans AS
• Jane Hutt AS
• Julie James AS
• Jeremy Miles AS
• Lynne Neagle AS
• Ken Skates AS
   
• Dawn Bowden AS
• Sarah Murphy AS
• Jack Sargeant AS

Ymddiheuriadau

• Vikki Howells AS 

Swyddogion

• Andrew Goodall, yr Ysgrifennydd Parhaol
• Rachel Garside-Jones, Cyfarwyddwr Swyddfa’r Prif Weinidog a Chyflawni
• Rebecca Dunn, Pennaeth Is-adran y Cabinet
• Victoria Jones, Prif Ysgrifennydd Preifat y Prif Weinidog
• Toby Mason, Pennaeth Cyfathrebu Strategol
• Sinead Gallagher, Dirprwy Gyfarwyddwr Swyddfa'r Cabinet
• Luke Young, Cynghorydd Arbennig
• Sarah Dickins, Cynghorydd Arbennig
• Madeleine Brindley, Cynghorydd Arbennig
• Haf Davies, Cynghorydd Arbennig
• Victoria Evans, Cynghorydd Arbennig
• David Hooson, Cynghorydd Arbennig
• Nadila Hussein, Cynghorydd Arbennig
• Kirsty Keenan, Cynghorydd Arbennig
• Jackie Jones, Cynghorydd Arbennig
• Stephen Jones, Cynghorydd Arbennig
• Philippa Marsden, Cynghorydd Arbennig
• Martha O'Neil, Cynghorydd Arbennig
• Mary Wimbury, Cynghorydd Arbennig
• Christopher W Morgan, Pennaeth Ysgrifenyddiaeth y Cabinet (cofnodion)
• Damian Roche, Ysgrifenyddiaeth y Cabinet
• Helena Bird, Swyddfa’r Ysgrifennydd Parhaol
• Carwyn Wycherley, Swyddfa'r Cabinet
• Kath Hallett, Swyddfa’r Prif Weinidog
• Tracey Burke, Cyfarwyddwr Cyffredinol Newid Hinsawdd a Materion Gwledig
• Simon Brindle, Cyfarwyddwr Caffael Masnachol
• Nick Wood, Dirprwy Brif Weithredwr Iechyd
• Andrew Slade, Cyfarwyddwr Cyffredinol yr Economi, Ynni a Thrafnidiaeth
• Emma Williams, Cyfarwyddwr Cyffredinol Addysg, Diwylliant a'r Gymraeg
• Phil Elkin, Gwasanaethau Cyfreithiol

1.1 Cymeradwyodd y Cabinet gofnodion 15 Medi 2025.

Ysgrifennydd y Cabinet dros Iechyd a Gofal Cymdeithasol

2.1 Cofnododd y Prif Weinidog ei diolch i Ysgrifennydd y Cabinet dros Iechyd a Gofal Cymdeithasol, yn dilyn ei gyhoeddiad ddydd Gwener na fydd yn sefyll yn etholiad nesaf y Senedd.

Prif Weinidog Llywodraeth y DU, Cydnabod Gwladwriaeth Palesteina

2.2 Cydnabu'r Prif Weinidog y cyhoeddiad a wnaed gan Brif Weinidog y DU y diwrnod cynt yn cydnabod Gwladwriaeth Palesteina yn ffurfiol. Roedd yn bwysig cofio sylwadau Prif Weinidog y DU am yr angen i ryddhau'r gwystlon, dod â'r trais a'r dioddefaint i ben, a symud yn ôl tuag at Ddatrysiad Dwy Wladwriaeth, gan mai hynny fyddai'r gobaith gorau am heddwch a diogelwch i bob ochr. Dywedwyd bod Llywodraeth Cymru wedi cael ei chynrychioli mewn digwyddiad byr yn Llundain y bore hwnnw, a gynhaliwyd gan y Llysgennad i Awdurdodau Palesteina, i nodi'r gydnabyddiaeth.

3.1 Ystyriodd y Cabinet Grid y Cyfarfodydd Llawn, gan nodi bod amser pleidleisio wedi ei drefnu ar gyfer 5:30pm ddydd Mawrth a thua 6:05pm ddydd Mercher.

4.1 Rhoddodd Ysgrifennydd y Cabinet dros yr Economi, Ynni a Chynllunio ddiweddariad i'r Cabinet ar ddatganoli Ystad y Goron, sef ymrwymiad yn y Rhaglen Lywodraethu.

4.2 Er mwyn helpu i fwrw ymlaen â'r gweithgaredd hwn, datblygwyd cynigion ar gyfer grŵp arbenigol ar ddatganoli ynni ac Ystad y Goron, er mwyn edrych ar yr holl opsiynau sydd ar gael, gan gynnwys datganoli. Roedd y ffocws ar adeiladu'r achos dros ddatganoli mewn modd sy'n cryfhau ymddiriedaeth y cyhoedd, ac sy'n rhoi sicrwydd i fuddsoddwyr o ran sicrhau swyddi gwyrdd. Byddai hyn yn cael ei gyhoeddi gan y Dirprwy Brif Weinidog fel rhan o'i ddatganiad llafar i'r Senedd yr wythnos ganlynol.

4.3 Hefyd, roedd swyddogion yn ymgysylltu'n rhagweithiol ag Ystad y Goron i nodi a gweithio ar fwriad y polisi. Er enghraifft, gofynnwyd am ddata ychwanegol ar yr incwm a dderbynnir yng Nghymru, a'r incwm a ragwelir yn ystod y pum mlynedd nesaf. Roedd swyddogion hefyd wedi holi a allai Ystad y Goron ddarparu dadansoddiad o effeithiau economaidd i ddangos y canlyniadau economaidd a brofwyd yng Nghymru.

4.4 Byddai'r Prif Weinidog a'r Dirprwy Brif Weinidog yn parhau i fanteisio ar bob cyfle posibl i wneud yr achos dros ddatganoli Ystad y Goron.

4.5 Yn y cyfamser, byddai Gweinidogion Cymru yn parhau i wneud yr achos dros ddatganoli Ystad y Goron a gwella ei hatebolrwydd a'i thryloywder.

4.6 Nodwyd bod Ysgrifennydd y Cabinet wedi cyhoeddi Datganiad Ysgrifenedig yn gynharach y mis hwnnw mewn ymateb i flaenoriaethau strategol Llywodraeth y DU ar gyfer Great British Energy.

4.7 Nododd y Cabinet y diweddariad.

Ysgrifenyddiaeth y Cabinet
Medi 2025