Lle Da, GISDA

Mae prosiect ‘Lle Da’ GISDA wedi cael canmoliaeth am ei ddull integredig o gefnogi pobl ifanc agored i niwed yng Ngwynedd. 

Mae’r prosiect, a ddatblygwyd gan GISDA mewn cydweithrediad â Chyngor Gwynedd a Bwrdd Iechyd Prifysgol Betsi Cadwaladr, yn enghraifft bwerus o waith ieuenctid a arweinir gan bartneriaeth sy’n dwyn ynghyd ddarpariaeth tai â chymorth, canolfan ieuenctid amlasiantaethol, cyfleoedd hyfforddi a chaffi cymunedol mewn un gofod canolog, hygyrch. 

Roedd pobl ifanc wrth wraidd dyluniad y prosiect ac maent yn parhau i fod yn rhan annatod o’i gyflawni. Trwy gyfranogiad cryf, cymorth cyfannol a chyfleoedd dysgu anffurfiol, mae’r prosiect yn grymuso pobl ifanc i ddatblygu sgiliau a magu hyder, gan ymgorffori pum piler gwaith ieuenctid i ymgysylltu â phobl ifanc a allai lithro drwy’r rhwyd fel arall. 

Canmolodd y beirniaid lwyddiant Lle Da wrth gynnig cymorth cyfannol i bobl ifanc, gan eu galluogi i symud tuag at fyw’n annibynnol a chyflogaeth gynaliadwy. Disgrifiwyd y prosiect fel enghraifft bwerus o sut y gall partneriaethau lleol cryf greu newid parhaol i bobl ifanc a chymunedau.