Adolygiad annibynnol o'r baich biwrocrataidd ar ffermydd teuluol

Bydd yr adolygiad hwn yn darparu asesiad annibynnol, ymarferol o'r baich biwrocrataidd ar ffermydd teuluol yng Nghymru. Y nod yw lleihau biwrocratiaeth a chymhlethdod diangen, wrth gadw ein safonau uchel ar yr un pryd.

Rydyn ni wedi lansio adolygiad annibynnol i edrych ar effaith gronnol gofynion rheoleiddio, sicrwydd a chymorth ar fusnesau fferm yng Nghymru.

Bydd yr adolygiad yn:

• deall sut mae gofynion yn effeithio ar ffermwyr yn ymarferol
• nodi dyblygu neu brosesau diangen
• argymell ffyrdd ymarferol o symleiddio a gwella sut mae'r system yn gweithio

Mae'r adolygiad yn cael ei arwain gan John Davies, a fydd yn Gadeirydd annibynnol, a disgwylir iddo adrodd o fewn naw mis.

Hoffen ni glywed gan ffermwyr, asiantau, y diwydiant ac eraill sydd â phrofiad o sut mae gofynion yn gweithio yn ymarferol.

Gallwch rannu eich barn neu'ch tystiolaeth ar gyfer yr adolygiad drwy e-bostio:

AdolygurBaich@llyw.cymru 
 

Bydd yr adolygiad yn cysylltu â rhanddeiliaid ledled Cymru ac yn casglu tystiolaeth dros y misoedd nesaf.

Bydd diweddariadau, adroddiadau ac ymateb Llywodraeth Cymru yn cael eu cyhoeddi ar y dudalen hon.