Deddf Partneriaeth Gymdeithasol a Chaffael Cyhoeddus (Cymru) 2023

Mae Deddf Partneriaeth Gymdeithasol a Chaffael Cyhoeddus (Cymru) 2023 (‘y Ddeddf’) yn darparu fframwaith i hybu llesiant pobl Cymru drwy wella datblygu cynaliadwy (gan gynnwys drwy wella gwasanaethau cyhoeddus) drwy weithio mewn partneriaeth gymdeithasol, hyrwyddo gwaith teg a chaffael cymdeithasol gyfrifol. Mae’r Ddeddf yn cynnwys darpariaeth ar gyfer:

• sefydlu Cyngor Partneriaeth Gymdeithasol
• dyletswydd statudol ar gyrff cyhoeddus penodol i geisio consensws neu gyfaddawd gyda'u hundebau llafur cydnabyddedig (neu os nad oes undeb llafur cydnabyddedig) cynrychiolwyr eraill o'u staff, wrth bennu eu hamcanion llesiant a chyflawni'r amcanion hynny o dan adran 3(2) o Ddeddf Llesiant Cenedlaethau’r Dyfodol 2015 (Deddf 2015)
• dyletswydd statudol ar Weinidogion Cymru i ymgynghori â phartneriaid cymdeithasol, cyflogwyr a chynrychiolwyr gweithwyr drwy'r Cyngor Partneriaeth Gymdeithasol wrth gyflawni eu hamcanion llesiant o dan adran 3(2)(b) o Ddeddf 2015
• diwygio adran 4 o Ddeddf 2015 drwy roi 'gwaith teg' yn lle 'gwaith addas' yn y nod presennol ynghylch "Cymru lewyrchus"
• dyletswydd statudol ar gyrff cyhoeddus penodol i ystyried defnyddio prosesau caffael cyhoeddus cymdeithasol gyfrifol, i bennu amcanion mewn perthynas â nodau llesiant, ac i gyhoeddi strategaeth gaffael
• gofyniad i gyrff cyhoeddus penodol gyflawni dyletswyddau rheoli contractau er mwyn sicrhau y rhoddir sylw i ganlyniadau cymdeithasol gyfrifol drwy gadwyni cyflenwi
• rhoi dyletswyddau ar gyrff cyhoeddus a Gweinidogion Cymru i gyflwyno adroddiadau mewn perthynas â'r Ddyletswydd Partneriaeth Gymdeithasol a’r Ddyletswydd Gaffael

Mae’r Crynodeb hwn o’r Bil a luniwyd gan y Senedd yn rhoi trosolwg defnyddiol pellach:

• Deddf Partneriaeth Gymdeithasol a Chaffael Cyhoeddus (Cymru) 2023: Crynodeb ar senedd.cymru

Mae’r Nodiadau Esboniadol i’r Ddeddf yn rhoi sylwebaeth fanwl ar y darpariaethau amrywiol:

• Deddf Partneriaeth Gymdeithasol a Chaffael Cyhoeddus (Cymru) 2023: Nodiadau Esboniadol ar legislation.gov.uk 

Darllewnch yr Ddeddf yn llawn:

• Deddf Partneriaeth Gymdeithasol a Chaffael Cyhoeddus (Cymru) 2023 ar legislation.gov.uk

Daeth adran 48 o'r Ddeddf i rym ar 25 Mai 2023, sef y diwrnod ar ôl iddi gael y Cydsyniad Brenhinol, yn unol ag adran 48(1) o'r Ddeddf.

Bydd gweddill darpariaethau'r Ddeddf yn dod i rym pan fydd Gweinidogion Cymru yn gwneud un neu fwy o orchmynion cychwyn, yn unol ag adran 48(2) a (3) o'r Ddeddf:

• Deddf Partneriaeth Gymdeithasol a Chaffael Cyhoeddus (Cymru) 2023, adran 48 ar legislation.gov.uk

Mae'r gorchmynion canlynol wedi'u gwneud:

• Gorchymyn Deddf Partneriaeth Gymdeithasol a Chaffael Cyhoeddus (Cymru) 2023 (Cychwyn Rhif 1) 2023 ar legislation.gov.uk
• Gorchymyn Deddf Partneriaeth Gymdeithasol a Chaffael Cyhoeddus (Cymru) 2023 (Cychwyn Rhif 2) 2024 ar legislation.gov.uk
• Gorchymyn Deddf Partneriaeth Gymdeithasol a Chaffael Cyhoeddus (Cymru) 2023 (Cychwyn Rhif 3) 2025 ar legislation.gov.uk
• Gorchymyn Deddf Partneriaeth Gymdeithasol a Chaffael Cyhoeddus (Cymru) 2023 (Cychwyn Rhif 4) 2025 ar legislation.gov.uk

Cyflwynwyd y Bil gan Hannah Blythyn AS, y Dirprwy Weinidog Partneriaeth Gymdeithasol ar 7 Mehefin 2022 a'i basio gan Senedd Cymru ar 14 Mawrth 2023. 

Mwy o wybodaeth am Ddeddf 2026 a gofnod o hynt y Bil trwy'r Senedd ar senedd.cymru.

Mae Memorandwm Esboniadol a luniwyd gan Lywodraeth Cymru (fel y cafodd ei ddiwygio ar ôl Cyfnod 2):

• Deddf Partneriaeth Gymdeithasol a Chaffael Cyhoeddus (Cymru) 2023: Memorandwm Esboniadol ar senedd.wales

Cafodd y Ddeddf y Cydsyniad Brenhinol ar 24 Mai 2023.