Trosolwg o Ddeddf Is-ddeddfau Llywodraeth Leol (Cymru) 2012, ei gynnydd trwy'r Senedd a'r is-ddeddfwriaeth.
Cynnwys
Trosolwg
Mae Deddf Is-ddeddfau Llywodraeth Leol (Cymru) 2012 (‘y Ddeddf’) yn:
- diwygio gweithdrefnau ar gyfer gwneud is-ddeddfau yng Nghymru, gan gynnwys tynnu ymaith ofyniad am gadarnhau is-ddeddfau gan Weinidogion Cymru;
- galluogi i is-ddeddfau penodol gael eu gorfodi drwy hysbysiadau cosbau penodedig;
- ei gwneud hi’n ofynnol i unrhyw awdurdodau sy’n gwneud is-ddeddfau roi sylw i unrhyw ganllawiau ar weithdrefn a roddir gan Weinidogion Cymru;
- ailddatgan i Gymru bŵer cyffredinol i wneud is-ddeddfau.
Mae’r Nodiadau Esboniadol yn rhoi sylwebaeth fanwl ar y darpariaethau amrywiol:
Darllenwch y Ddeddf yn llawn:
Dod i rym
Daeth adrannau 18(1) ac 21 i 23 i rym ar 30 Tachwedd 2012, sef y diwrnod ar ôl i'r Ddeddf gael y Cydsyniad Brenhinol, yn unol ag adran 22(1):
Daw darpariaethau eraill y Ddeddf i rym ar ddiwrnod a bennir gan Gweinidogion Cymru drwy orchymyn, yn unol ag adran 22(2). Mae’r Gorchmynion a ganlyn wedi eu gwneud:
- Gorchymyn Deddf Is-ddeddfau Llywodraeth Leol (Cymru) 2012 (Cychwyn Rhif 3) 2018 ar legislation.gov.uk
- Gorchymyn Deddf Is-ddeddfau Llywodraeth Leol (Cymru) 2012 (Cychwyn Rhif 2, Darpariaethau Trosiannol ac Arbedion) 2015 ar legislation.gov.uk
- Gorchymyn Deddf Is-ddeddfau Llywodraeth Leol (Cymru) 2012 (Cychwyn Rhif 1) 2014 ar legislation.gov.uk
Is-deddfwriaeth a wnaed o dan y Ddeddf
| Enw | Rhif | Dyddiad gwnaed | Dyddiad dod i rym | Dogfennau ategol |
|---|---|---|---|---|
| Gorchymyn Deddf Is-ddeddfau Llywodraeth Leol (Cymru) 2012 (Diwygio) 2014 ar legislation.gov.uk | 2014 Rhif 3111 (Cy. 311) | 18 Tachwedd 2014 | 19 Tachwedd 2014 | Memorandwm Esboniadol (Saesneg yn unig ar senedd.cymru) |
| Rheoliadau Is-ddeddfau Llywodraeth Leol (Cosbau Penodedig) (Cymru) 2014 ar legislation.gov.uk | 2014 Rhif 2717 (Cy. 273) | 9 Hydref 2014 | 7 Tachwedd 2014 | Memorandwm Esboniadol (Saesneg yn unig) ar senedd.cymru |
Ystyriaeth y Senedd o’r ddeddfwriaeth
Cyflwynwyd y Bil ar 28 Tachwedd 2011 gan Carl Sargeant AC, y Gweinidog Llywodraeth Leol a Chymunedau ar y pryd. Cafodd y Bil ei basio gan Senedd Cymru (Cynulliad Cenedlaethol Cymru bryd hynny) ar 3 Gorffennaf 2012.
Mae'r Memorandwm Esboniadol a luniwyd gan Senedd Cymru (fel y cafodd ei ddiwygio ar ôl Cyfnod 2):
Cafodd y Ddeddf y Cydsyniad Brenhinol ar 29 Tachwedd 2012.