Diweddaru'r cod ymarfer ar ddiogelwch gwaith stryd a gwaith ffordd

Mae gwaith stryd a gwaith ffordd yn chwarae rhan hanfodol wrth gynnal a gwella seilwaith a gwasanaethau cyfleustodau hanfodol. 

Rhaid gwneud gwaith o'r fath yn ddiogel er mwyn amddiffyn gweithwyr a lleihau risgiau i'r cyhoedd sy'n teithio.

Rydym yn holi barn ar ddiweddariadau arfaethedig i'r cod ymarfer ar ddiogelwch gwaith stryd a gwaith ffordd. 

Mae'r cod ymarfer drafft yn darparu canllawiau statudol ar arwyddo, goleuo a diogelu gwaith stryd a gwaith ffordd ar ffyrdd a phriffyrdd cyhoeddus er mwyn helpu i amddiffyn gweithwyr, defnyddwyr ffyrdd a cherddwyr.

Mae'r diweddariadau arfaethedig yn adlewyrchu newidiadau i ddeddfwriaeth, canllawiau ac arferion gwaith ers i'r cod gael ei ddiweddaru ddiwethaf yn 2013.

Pam mae eich barn yn bwysig

Bydd adborth o'r ymgynghoriad hwn yn cael ei ddefnyddio i sicrhau bod y cod diwygiedig yn glir, yn ymarferol ac yn effeithiol i'r rhai sy'n ei ddefnyddio.

Rydym yn croesawu barn gan:

• gwmnïau cyfleustodau
• contractwyr ffyrdd a pheirianneg sifil
• sefydliadau proffesiynol a chyrff diwydiant
• awdurdodau lleol
• gweithredwyr trafnidiaeth gyhoeddus
• grwpiau hygyrchedd
• y gwasanaethau brys
• busnesau
• aelodau'r cyhoedd.

Bydd eich adborth yn helpu i lunio'r cod yn y dyfodol ac i wella safonau diogelwch ledled Cymru.