Nodyn cyngor technegol solar ar ben to ar adnoddau Excel

Mae'r nodyn cyngor technegol hwn ar gyfer sefydliadau sector cyhoeddus a chymunedol sydd wedi darllen a gweithredu y tri Chanllaw ar Fonitro a sicrhau perfformiad gorau posibl araeau solar ar ben to: canllaw.

Mae'r nodyn cyngor technegol hwn yn disgrifio pwrpas y pedwar adnodd Excel a ddarperir gan Wasanaeth Ynni Llywodraeth Cymru i gefnogi rheoli araeau ffotofoltäig (PV) solar ar ben to.

Yr adnoddau Excel hyn yw:

1. Adnodd trawsnewid data cynhyrchu
2. Adnodd trawsnewid data mewngludo
3. Adnodd trawsnewid cyfraddau contract fesul HA
4. Adnodd dadansoddi gweithrediad solar ar ben to

• Mae ymarfer canfod ffeithiau wedi'i gwblhau ac mae taflen ffeithiau neu lawlyfr gweithredu wedi'i chreu.
• Mae dyluniad trydanol 'fel y'i hadeiladwyd' o adeilad a gallu'r arae solar yn cael eu deall yn llawn, h.y. A yw'r cynhyrchiant yn cael ei ddefnyddio ar y safle, yn cael ei allgludo neu gyfuniad o'r ddau?
• Mae mynediad o bell i ddata mesuryddion mewngludo fesul hanner awr.
• Mae mynediad o bell i ddata cyfnod mesur cynhyrchiant. Gall hyn fod mewn cyfnodau fesul 10 munud, 15 munud, hanner awr neu awr.
• Nodir mewngludo, allgludo, tariffau cynhyrchu a chost flynyddol Gweithredu a Chynnal a Chadw yn y daflen ffeithiau. (Efallai na fydd pob un yn berthnasol, yn dibynnu ar ddyluniad trydanol yr arae solar.)
• Mae'r fersiwn ddiweddaraf o Microsoft Excel wedi'i osod ar eich gweithle.
• Mae'r pedwar adnodd Excel wedi'u lawrlwytho a'u cadw i leoliad diogel ar eich gweithle.

Defnyddir y tri adnodd cyntaf i brosesu data allweddol i fformat grid cyfnod fesul hanner awr, i'w fewnbynnu i'r Offeryn dadansoddi gweithrediad solar ar ben to. Mae data fformat grid fesul hanner awr yn safonol yn y farchnad drydan ac mae'n syml i'w weld a'i ddadansoddi yn weledol. 

Mae tabiau cyfarwyddyd defnyddiwr cam wrth gam ym mhob adnodd Excel. Nid yw'r nodyn technegol hwn yn disodli'r cyfarwyddiadau hynny.

Adnodd trawsnewid data cynhyrchu

Efallai na fydd dyfais fesur cynhyrchiant yn y gwrthdröydd arae solar yn mesur mewn cyfnodau hanner awr. Mae'r offeryn hwn yn trosi data egwyl 10 munud, 15 munud neu bob awr yn ddata cyfnod fesul hanner awr.

Gall y llwyfan monitro solar o bell allgludo data egwyl mesurydd mewn fformat colofn csv. Mae'r adnodd hwn yn trosi data egwyl colofn i grid hanner awr.

Adnodd trawsnewid data mewngludo

Weithiau darperir data mewngludo hanner awr mewn fformat colofn csv. Mae'r adnodd hwn yn trosi data fformat colofn i fformat grid.

Adnodd trawsnewid cyfraddau contract fesul HA

Er mwyn cyfrifo gwerth trydan a gynhyrchir, efallai y bydd angen ystyried nifer o dariffau a chostau. Mae'r adnodd hwn yn allgludo data tariff i fformat grid fesul hanner awr i alluogi cwestiynu o fewn yr Adnodd dadansoddi gweithrediad solar ar ben to.

Adnodd dadansoddi gweithrediad solar ar ben to

Bydd yr adnodd Dadansoddi Gweithrediad Solar ar ben to yn gofyn am rai mân addasiadau gan y defnyddiwr i'w deilwra i fanylion penodol pob arae solar. Disgrifir yr addasiadau hyn yn fanwl yn y tab 'Cyfarwyddiadau Defnyddiwr' yr adnodd.

Mae'r tabiau oren yn defnyddio'r wybodaeth a gynhyrchir o'r tri adnodd cyntaf, i boblogi'r tabiau gwyrdd, tabiau porffor a'r tabiau glas yn awtomatig. Mae'r tabiau gwyrdd yn arddangos cynhyrchiant galw'r safle mewn cilowat awr. Mae'r tabiau porffor yn dangos gwerth ariannol y cynhyrchiant. Mae'r tabiau glas yn dadansoddi'r allgludiant cilowat am bob hanner awr ac yn darparu arweiniad ar ddehongli perfformiad arae solar sy'n awgrymu unrhyw feysydd sy'n peri pryder ac unrhyw gamau adfer sydd eu hangen.

Mae'r tab 'Allwedd ar gyfer Dadansoddi Gweithredol' yn disgrifio arwyddocâd y Fformatio Amodol a gymhwysir.

Pan fydd data yn cael ei gyrchu a'i gofnodi'n gywir, mae'r Adnodd dadansoddi gweithrediad solar ar ben to yn rhoi gwybodaeth hanfodol am berfformiad yr arae solar ar ben to.

Ar ôl ei sefydlu, bydd rheolaeth barhaus ar eich arae solar ar ben to yn cymryd pump neu ddeg munud y dydd yn unig gan ddefnyddio'r adnoddau Excel hyn.

Os oes angen dadansoddiad ar gyfer sawl safle, copïwch y Dadansoddiad Gweithrediad Solar ar ben to ar gyfer pob arae, a gweithio gyda'ch adran TG, neu ddarparwr y System Rheoli Adeiladu, i adeiladu API i dynnu data fesul hanner awr yn awtomatig i mewn i dabiau mewnbwn yr Adnodd dadansoddi gweithrediad solar ar ben to.

Pan fydd newid mewn data sefydlog neu gylchol, mae'n hanfodol diweddaru'r daflen ffeithiau / llawlyfr gweithredol A diweddaru'r adnodd Excel yn unol â hynny.

Nodyn

Ni all Gwasanaeth Ynni Llywodraeth Cymru ddarparu cymorth technegol i ddefnyddwyr yr adnoddau Excel hyn.