Perfformiad awdurodau tân ac achub: Ebrill 2022 i Fawrth 2023

Mae'r dadansoddiad yn y bwletin hwn yn ymwneud â digwyddiadau'r gwasanaeth tân ac achub rhwng mis Ebrill 2022 a diwedd mis Mawrth 2023, tra’n cymharu â Ebrill 2021 i Mawrth 2022, cyfnod sy’n dal i gael ei effeithio i ryw raddau gan y pandemig coronafeirws (COVID-19).

Adroddiad blynyddol sy’n cynnwys gwybodaeth am danau a fynychwyd, anafiadau o ganlyniad i danau, galwadau ffug, digwyddiadau gwasanaethau arbennig a thanau mewn anheddau o fewn rheolaeth.

Prif bwyntiau

• Bod Awdurdodau Tân ac Achub yng Nghymru wedi mynychu 11,066 o danau, sy’n cyfateb i 35 o danau fesul 10,000 o’r boblogaeth. Mae hyn yn gynnydd o 3% o gymharu â 2021 i 2022. Ers i gyfrifoldeb am wasanaethau tân ac achub gael ei ddatganoli i Gymru yn 2004 i 2005, mae’r nifer a’r gyfradd wedi mwy na haneru.
• Roedd yna 16,578 o alwadau ffug a fynychwyd yn 2022 i 2023, sy'n cyfateb i 53 fesul 10,000 o'r boblogaeth ac yn gynnydd o 5% o gymharu â 2021 i 2022.
• Roedd 135 o farwolaethau ac anafiadau o ganlyniad i danau yng Nghymru (4 i bob 100,000 o'r boblogaeth). Mae hyn yn ostyngiad o 11% yn nifer y rhai a anafwyd o gymharu â 2021 i 2022.
• Roedd 85% o danau mewn anheddau yng Nghymru wedi'u dal yn yr ystafell lle dechreuodd y tân.