Perfformiad awdurodau tân ac achub: Ebrill 2025 i Fawrth 2026
Gwybodaeth am danau a fynychwyd, marwolaethau o ganlyniad i danau, galwadau ffug, digwyddiad gwasanaethau arbennig a thanau mewn anheddau o fewn rheolaeth ar gyfer Ebrill 2025 i Fawrth 2026.
Ar y dudalen hon
Cyflwyniad
Mae’r ystadegau hyn yn ymwneud â’r gwasanaeth tân ac achub rhwng mis Ebrill 2025 a diwedd mis Mawrth 2026 (wedi’i nodi fel FYE 2026).
Adroddiad blynyddol yn cyflwyno gwybodaeth am:
- danau a fynychwyd
- anafiadau o ganlyniad i danau
- galwadau ffug
- digwyddiadau gwasanaethau arbennig
- tanau mewn anheddau o fewn rheolaeth
Yn 2007, cyflwynwyd Fframwaith Rheoli Perfformiad Llywodraeth Cymru ar gyfer mesur perfformiad Awdurdodau Tân ac Achub. Mae'r data, gan gynnwys ar lefel y Gwasanaethau Tân ac Achub, yn cael eu cyhoeddi ar StatsCymru yn nhabl dangosyddion perfformiad y gwasanaethau tân (StatsCymru).
Mae Awdurdodau Tân ac Achub yn cyhoeddi eu data perfformiad ar eu gwefannau eu hunain, sydd ar gael yn y dolenni canlynol:
- Awdurdod Tân ac Achub Gogledd Cymru
- Awdurdod Tân ac Achub Canolbarth a Gorllewin Cymru
- Awdurdod Tân ac Achub De Cymru
Mae rhagor o wybodaeth am gasglu data ac ansawdd ar gael yn ein hadroddiad ansawdd ar ystadegau tân.
Mae'r dangosyddion perfformiad wedi'u grwpio o dan 2 thema: 'lleihau risg a diogelwch cymunedol' ac 'ymateb effeithiol'.
Prif bwyntiau
- Gwasanaethau Tân ac Achub yng Nghymru wedi mynychu 11,361 o danau, sy’n cyfateb i 36 o danau fesul 10,000 o’r boblogaeth, cynnydd o 12% o gymharu â FYE 2025. Ers i gyfrifoldeb am wasanaethau tân ac achub gael ei ddatganoli i Gymru yn FYE 2005, mae’r nifer a’r gyfradd wedi mwy na haneru.
- 15,573 o alwadau ffug a fynychwyd, sy'n cyfateb i 49 fesul 10,000 o'r boblogaeth ac yn ostyngiad o 12% o gymharu â FYE 2025.
- Aeth yr Gwasanaethau Tân ac Achub yng Nghymru i 2,085 o wrthdrawiadau traffig ffyrdd, sef 7 am bob 10,000 o'r boblogaeth a chynnydd o 6% o'i gymharu â FYE 2025.
- Aeth yr Gwasanaethau Tân ac Achub yng Nghymru i 7,954 o Ddigwyddiadau Gwasanaeth Arbennig nad oeddent yn wrthdrawiadau traffig ffyrdd, sef 25 o bob 10,000 o'r boblogaeth ac yn ostyngiad o 2% o’i gymharu â FYE 2025.
- 146 o farwolaethau ac anafiadau o ganlyniad i danau yng Nghymru (5 i bob 100,000 o'r boblogaeth). Mae hwn yn 4 llai o anafusion o'i gymharu â FYE 2025.
- 133 o farwolaethau ac anafiadau oherwydd tanau damweiniol yng Nghymru (4 am bob 100,000 o'r boblogaeth); 4 yn llai o anafusion o'i gymharu â FYE 2025. Y bobl hyn a anafir yw'r rhai sy'n cael eu hanfon i'r ysbyty ac nid ydynt yn cynnwys y rhai sy'n cael cymorth cyntaf neu sy'n cael eu hanfon am wiriadau rhagofalus.
- 85% o danau mewn anheddau yng Nghymru wedi'u dal yn yr ystafell lle dechreuodd y tân.
Dangosyddion perfformiad
Lleihau risg a diogelwch cymunedol
Dangosydd cyntaf FRS/RRC/S/001
- Y tanau yr aethpwyd iddynt am bob 10,000 o'r boblogaeth.
- Y galwadau ffug yr aethpwyd iddynt am bob 10,000 o'r boblogaeth.
- Y gwrthdrawiadau traffig ffyrdd yr aethpwyd iddynt am bob 10,000 o'r boblogaeth.
- Y digwyddiadau eraill yr aethpwyd iddynt am bob 10,000 o'r boblogaeth.
Yr ail ddangosydd FRS/RRC/S/002
Cyfanswm nifer:
- y marwolaethau a'r anafiadau a ddeilliodd o danau am bob 100,000 o'r boblogaeth
- y marwolaethau a'r anafiadau a ddeilliodd o danau damweiniol am bob 100,000 o'r boblogaeth
Ymateb effeithiol
Y trydydd dangosydd FRS/EFR/S/003
Canran y tanau mewn anheddau a gyfyngwyd i'r ystafell lle cychwynnodd y tanau.
