Pontio’r Cenedlaethau: dod â chenedlaethau at ei gilydd

Mae pontio’r cenedlaethau yn dod â phobl o bob oed at ei gilydd. Mae prosiectau yn cynnig gweithgareddau sy’n fuddiol ac yn ddifyr i bawb sy’n cymryd rhan. Gall pontio’r cenedlaethau helpu pobl i deimlo’n llai unig ac yn llai ynysig yn gymdeithasol. Mae’r rhai hynny sy’n cymryd rhan yn dysgu mwy am grwpiau oedran gwahanol ac yn teimlo’n rhan o’u cymuned. 

Mae ein strategaethau Unigrwydd ac ynysigrwydd cymdeithasol a Cymru o blaid pobl hŷn yn nodi’r buddion o helpu cymunedau i ddod at ei gilydd.

Darllenwch ein hadroddiad ar effeithiau prosiectau pontio’r cenedlaethau ar y rhai hynny sy’n cymryd rhan. Mae’r adroddiad hefyd yn edrych ar beth all helpu prosiect pontio’r cenedlaethau i fod yn un llwyddiannus, neu rwystro hynny. 

Mae amrywiaeth o brosiectau yn cael eu cynnal ledled Cymru. Dyma rai enghreifftiau a chyngor defnyddiol ar sut i sefydlu prosiect:

Adnodd Pontio'r Cenedlaethau – (Comisiynydd Pobl Hŷn a Chomisiynydd Plant Cymru)

Cynllun Ffrind i Mi (Bwrdd Iechyd Prifysgol Aneurin Bevan)

Dilynwch y rhwydwaith Pontio’r Cenedlaethau ar y cyfryngau cymdeithasol:

Pontio'r Cenedlaethau, Cyngor Gwynedd (Facebook)

Pontio’r Cenedlaethau (@cenedlaethau) / Twitter

Gwyliwch amrywiaeth o fideos ar sut mae prosiectau sy'n pontio'r cenedlaethau yn gweithio'n ymarferol (Pontio'r Cenedlaethau YouTube):

Trefnant - ConneXions: Mae hwn yn brosiect cymunedol lle mae’r grŵp yn gweithio gydag Ysgol Trefnant. Mae’r disgyblion a’r bobl hŷn yn mwynhau amryw o brosiectau ble mae pawb yn dysgu o’i gilydd.

Prosiect gan Gyngor Gwynedd yw hwn ble mae Cartref Gofal lleol ac Ysgol Uwchradd wedi cyd-weithio ag artist lleol i wneud Mainc Gyfeillgarwch i ardd y cartref.

Mwynhewch ymweliad diweddar gan Ysgol Llanllechid i gartref Plas Ogwen. Ers Covid mae’r ymweliadau wedi symud tu allan ond maent yn edrych ymlaen at gael ymweld tu mewn eto.

Caffi Trwsio Cymru: Mae pobl o bob oedran yn dod at ei gilydd yn fisol yn Nhreganna, Caerdydd i achub eitemau cyn iddynt gael eu taflu.

Mae ‘People Speak Up’ yn cynnal sawl prosiect sydd yn cynnig cysylltiadau sy’n pontio’r cenedlaethau ar-lein.

Bangor: mae Adra yng Ngogledd Cymru yn dod â phobl o bob oedran ynghyd i weithio er budd y gymuned leol.

Dyma gasgliad o ledled Cymru sy’n dangos prosiectau sy’n pontio’r cenedlaethau.