Os ydych chi'n rhentu tir neu'n pori'ch anifeiliaid yn dymhorol ar dir rhywun arall, gallai perchennog y tir gael ei archwilio a bod yn gyfrifol am les y stoc.
Mae'r siartiau llif isod yn dangos y trefniadau ar gyfer:
Pori'ch stoc ar dir rhywun arall
Pori stoc rhywun arall ar eich tir chi
Dechreuodd y prosiect CPH yn 2016. Ers hynny, mae Taliadau Gwledig Cymru (RPW) wedi gofyn i geidwaid drosglwyddo'u tir a'i reoli ar Reoli fy CPH (RPW ar-lein).
Bydd pob cwsmer yn gorfod cadw at y rheolau CPH newydd os oes ganddyn nhw:
- gysylltiadau â'r System Olrhain Gwartheg (CTS)
- tir o dan Awdurdod Meddiannaeth Unigol (SOA)
- cytundeb Rheoli Cysylltiadau Tir Dros Dro
Bydd ceidwaid newydd a'r rheini sydd wedi newid manylion eu tir yn gorfod cadw at y rheolau hyn hefyd.
Caiff defnyddwyr hen a newydd reoli eu CPH ar-lein o dan Reoli fy CPH ar eu cyfrif RPW Ar-lein unrhyw bryd. Mae hyn yn cynnwys:
- tynnu tir neu ychwanegu tir
- creu neu ddileu Cysylltiad Tir Dros Dro (TLA)/rhifau CPH dros dro.
Os oes gennych gwestiynau, cysylltwch â’r Ganolfan Gyswllt i Gwsmeriaid drwy’ch cyfrif RPW Ar-lein neu drwy ffonio 0300 062 5004..