Heddiw, mae Carwyn Jones, Prif Weinidog Cymru, wedi cyhoeddi pwy sydd wedi cyrraedd rownd derfynol Gwobrau Dewi Sant 2018.
Cyhoeddwyd y cynnwys hwn dan weinyddiaeth Llywodraeth Cymru 2016 i 2021
Gwobrau cenedlaethol Cymru yw Gwobrau Dewi Sant. Maent yn cydnabod llwyddiannau nodedig pobl sy’n byw yng Nghymru neu sy'n dod o Gymru ac yn cydnabod gorchestion a'r cyfraniadau gwych a wneir gan bobl o bob cefndir.
Wrth gyhoeddi pwy sydd wedi cyrraedd y rownd derfynol, dywedodd Carwyn Jones, y Prif Weinidog:
"Mae'r digwyddiad hwn sydd, erbyn hyn, yn cael ei gynnal am y bumed flwyddyn, yn dathlu ac yn cydnabod lond llaw yn unig o'r bobl hynny sydd naill ai wedi gwneud gwahaniaeth mawr i fywyd rhywun arall, neu sydd wedi llwyddo yn wyneb adfyd neu wedi cyflawni rhywbeth sydd wir yn ysbrydoli eraill.
"Unwaith eto, mae'r rheini sydd wedi cyrraedd y rownd derfynol yn grŵp eithriadol o bobl. Mae pob copa walltog ohonyn nhw'n glod i Gymru. Dw i'n edrych 'mlaen at gael dathlu'r pethau anhygoel y maen nhw wedi'u cyflawni yn y seremoni wobrwyo a fydd yn cael ei chynnal ar 22 Mawrth."
Nodir isod pwy sydd wedi cyrraedd y rownd derfynol yn yr amryfal gategorïau: Dewrder; Dinasyddiaeth; Diwylliant; Menter; Arloesedd, Gwyddoniaeth a Thechnoleg; Rhyngwladol; Chwaraeon a Pherson Ifanc.