Darganfyddwch sut y byddwn yn cyflwyno prydau ysgol am ddim i holl blant Ysgolion Cynradd yng Nghymru.
Cynnwys
Trosolwg
Bydd pob plentyn ysgol gynradd yng Nghymru yn cael prydau ysgol am ddim erbyn 2024.
Mae’r ymrwymiad hwn mewn ymateb i’r pwysau cynyddol o ran costau byw ar deuluoedd a’n huchelgeisiau cyffredin o:
- mynd i'r afael â thlodi plant
- sicrhau nad oes unrhyw blentyn yn mynd heb fwyd yn yr ysgol
Mae manteision ehangach hefyd i brydau ysgol am ddim, gan gynnwys:
- hyrwyddo bwyta'n iach ar draws yr ysgol
- cynyddu'r amrywiaeth o ddewisiadau bwyd
- gwella sgiliau cymdeithasol amser bwyd
- gwella ymddygiad a chyrhaeddiad
Ni fydd hyn yn effeithio ar blant hŷn sy’n derbyn neu’n gymwys i wneud cais am brydau ysgol am ddim ar hyn o bryd.
Cyflwyno’r Cynllun
Bydd eich awdurdod lleol yn darparu gwybodaeth ynghylch pryd y bydd y cynllun yn cael ei gyflwyno yn ysgol eich plentyn. Mae holl gyfleusterau arlwyo ysgolion yn wahanol a bydd angen amser ar ysgolion i baratoi. Mae llawer o ysgolion cynradd yn gwneud gwaith yn eu ceginau i allu darparu ar gyfer nifer sylweddol uwch o brydau ysgol.
Cofrestru ar gyfer prydau ysgol am ddim i bawb
Efallai y gofynnir i chi gofrestru eich plentyn ar gyfer prydau ysgol am ddim i bawb.
Bydd hyn yn galluogi ysgol eich plentyn i gyfri cyfanswm nifer cynyddol y plant sydd angen prydau bwyd. Dylai ysgol neu awdurdod lleol eich plentyn roi rhagor o wybodaeth i chi am hyn dros y misoedd nesaf. Ni fydd hyn yn effeithio ar fudd-daliadau cysylltiedig eraill.
Cysylltwch â'ch awdurdod lleol am ragor o wybodaeth.