Rheolaeth pridd

Mae pridd yn adnodd hanfodol sy’n cynnal bywyd ac yn darparu gwasanaethau ecosystem hollbwysig i Gymru.

Mae'r gwasanaethau hyn yn cynnwys:

• cynhyrchu bwyd a ffibr
• rheoleiddio dŵr
• cyfraniadau i reoli hinsawdd
• hybu bioamrywiaeth

Mae ein pridd dan fygythiad oherwydd:

• newid hinsawdd
• ein hymadawiad o'r UE
• newid defnydd tir yn y dyfodol

Mae angen polisi pridd sy’n seiliedig ar dystiolaeth er mwyn:

• cadw a gwella'r adnodd gwerthfawr hwn
• helpu i fynd i'r afael ag argyfyngau hinsawdd a natur
• gwella'r amgylchedd ar gyfer cenedlaethau'r dyfodol

Mae datganiad polisi pridd drafft yn cael ei ddatblygu ar hyn o bryd. Mae’n nodi ein gweledigaeth ar gyfer defnyddio a rheoli priddoedd amaethyddol yn gynaliadwy ar gyfer cenedlaethau’r dyfodol.

Mae’r datganiad polisi pridd yn nodi’r hyn y mae angen inni fynd i’r afael ag ef er mwyn cyflawni rheolaeth gynaliadwy o bridd. Byddwn yn datblygu'r amcanion hyn drwy:

• adolygu tystiolaeth gyfredol
• ymgysylltu â rhanddeiliaid mewnol ac allanol ar bridd

Rydym ar hyn o bryd yn gwahodd rhanddeiliaid o’r gymuned amaethyddol i gymryd rhan i ddylunio’r datganiad polisi - Dywedwch wrthym beth yw eich barn ar sut i reoli priddoedd.

Rydym yn cynhyrchu adolygiad o dystiolaeth pridd Cymru o nifer o ffynhonnellau gan gynnwys: 

• Rhaglen Dystiolaeth Polisi Pridd
• Adroddiad o Gyflwr Adnoddau Naturiol (ar naturalresources.wales)

Mae priddoedd yng Nghymru yn uchel mewn carbon. Yn gyffredinol, ystyrir bod y gyfran uchel o systemau glaswelltir yng Nghymru yn risg isel i ddiraddio pridd. Gall colli carbon pridd a bioamrywiaeth, erydu a chywasgu pridd ddigwydd mewn ardaloedd lle:

• mae rheolaeth tir amhriodol
• mae newid o ddefnydd tir

Yn y dyfodol, mae newid hinsawdd yn debygol o effeithio ar briddoedd. Felly, bydd y ffactorau sy'n ysgogi newid defnydd tir yn dod yn fwy dwys. Ond mae yna gyfleoedd gan y gall rhai o’r newidiadau hyn gael effeithiau cadarnhaol ar:

• yr hinsawdd
• diogelwch bwyd
• yr amgylchedd

Rhaglen Dystiolaeth y Polisi Pridd:

• yn cynnwys adolygiadau ac asesiadau polisi-berthnasol o gyflwr ein pridd a'n tir
• ystyried effeithiau rheolaeth amaethyddol a newid yn yr hinsawdd ar briddoedd yn awr ac yn y dyfodol

Bydd yr Adolygiad o dystiolaeth pridd Cymru yn rhoi trosolwg o brif ganlyniadau'r adroddiadau.

• Statws pridd presennol a bygythiadau
• Pridd mewn defnydd tir ac asesiad o ansawdd y tir
• Priddoedd o dan newid yn yr hinsawdd, lliniaru ac addasu