Rheoliadau arfaethedig ar gyfer taliadau uniongyrchol ym maes iechyd a gofal cymdeithasol

Mae rhan 1 yr ymgynghoriad yn gwneud y canlynol: 

• Ceisio barn ar ddiwygiadau arfaethedig i Reoliadau’r Byrddau Iechyd Lleol (Swyddogaethau a Gyfarwyddir) (Cymru) 2009. Bydd hyn yn dirprwyo swyddogaethau i fyrddau iechyd lleol i wneud taliadau uniongyrchol ar ran Gweinidogion Cymru.

Mae rhan 2 yr ymgynghoriad yn gwneud y canlynol:

• Ceisio barn ar gynnwys arfaethedig rheoliadau ar gyfer taliadau uniongyrchol ym maes gofal iechyd.
• Ceisio barn ar sut y gall canllawiau ategu ac ychwanegu at reoliadau ar gyfer y rhai a fydd yn rhoi taliadau uniongyrchol am ofal iechyd ar waith neu ar gyfer y rhai a fydd yn eu cael.

Mae rhan 3 yr ymgynghoriad yn gwneud y canlynol:

• Ceisio barn ar ddiwygiadau arfaethedig i’r rheoliadau a’r cod ymarfer perthnasol sy’n llywodraethu taliadau uniongyrchol ym maes gofal cymdeithasol. Yn benodol, galluogi trydydd parti a enwebir i weinyddu’r taliadau ar ran derbynnydd.

Gallai’r rheoliadau arfaethedig newid yn seiliedig ar yr ymatebion i’r ymgynghoriad ac er mwyn sicrhau eu bod yn gallu cyflawni’r amcanion polisi yn effeithiol.