Rhieni ag anabledd dysgu: ymwneud â’r Gwasanaethau Cymdeithasol

I ba raddau mae rhieni ag anabledd dysgu yng Nghymru yn ymwneud â Gwasanaethau Gofal Cymdeithasol Plant neu’n cael eu gor-gynrychioli o fewn y Gwasanaethau hynny?

• Does dim digon o wybodaeth am nifer y plant sydd â rhieni ag anabledd dysgu sy’n ymwneud â’r Gwasanaethau Gofal Cymdeithasol Plant i seilio barn.
• Un o’r prif resymau dros hyn ydy diffyg diffiniad a chanllawiau cenedlaethol digon clir i Wasanaethau Gofal Cymdeithasol Plant.

Beth ydy’r ffactorau sy’n gyrru patrymau ymglymiad rhieni ag anabledd dysgu gyda Gwasanaethau Gofal Cymdeithasol Plant?

• Prin mai anabledd dysgu ydy’r unig bryder a’r unig reswm dros gyfeirio rhieni at Wasanaethau Gofal Cymdeithasol Plant ac i blant dderbyn gofal.
• Mae’n anodd i nodi prif ffactor mewn achosion sydd fel arfer yn gymharol gymhleth. Ymhlith ffactorau cyffredin eraill mae nodweddion rhieni neu deuluol a allai hefyd beri risgiau.
• Mae’n glir bod systemau sy’n annog rhoi rhieni newydd ar y 'llwybr cyflym' i mewn i Wasanaethau Gofal Cymdeithasol Plant yn gosod rhai rhieni dan anfantais.

Pa dystiolaeth sydd yn bodoli o arferion da ar hyd taith ymyriad Gwasanaethau Plant a chymorth ehangach i rieni ag anabledd dysgu?

• Er y ceir pocedi o arferion da, mae llawer o le i wella.
• Mae canfyddiadau’r astudiaeth yn awgrymu y gellid gwneud mwy i wella dealltwriaeth genedlaethol o brofiad rhieni yn y maes hwn yn ogystal â’r gwasanaethau cymorth ar draws Cymru.