Rhyddhad ardrethi ar gyfer mannau gwefru cerbydau trydan

Os ydych chi’n defnyddio’r cynllun hwn i ddyfarnu cymhorthdal, rhaid ichi roi gwybod i’r Uned Rheoli Cymorthdaliadau – e-bost: rheolicymorthdaliadau@llyw.cymru.

Cymru

Rhyddhad ardrethi ar gyfer mannau gwefru cerbydau trydan

Mae Deddf Cyllid Llywodraeth Leol 1988 (‘y Ddeddf’) yn nodi'r sail gyfreithlon ar gyfer ardrethi annomestig. O dan adran 47 o'r Ddeddf, mae pwerau eang yn bodoli i awdurdodau lleol ddarparu rhyddhad yn ôl disgresiwn i dalwyr ardrethi, wedi'i ôl-ddyddio cyn belled â 1 Ebrill 2024. Dibynnir ar y pwerau hyn i ddechrau i alluogi darparu'r rhyddhad yn ystod blwyddyn ariannol 2026-27.

O dan baragraff 8B o Atodlen 4ZA a pharagraff 2B o Atodlen 4ZB i'r Ddeddf, caiff Gweinidogion Cymru wneud rheoliadau sy'n rhoi rhyddhad llawn rhag ardrethi annomestig. Ar gyfer y blynyddoedd ariannol rhwng 2027-2028 a 2035-2036, bwriedir darparu ar gyfer y rhyddhad mewn rheoliadau.

Amcan polisi penodol y rhyddhad yw gohirio dechrau'r atebolrwydd am ardrethi annomestig nad oedd gweithredwyr mannau gwefru cerbydau trydan wedi'i rag-weld. Bwriad hyn yw cefnogi'r broses barhaus o gyflwyno'r seilwaith gwefru sydd ei angen dros y degawd nesaf ac, yn ei dro, y broses o drawsnewid i ofynion allyriadau sero ar gyfer pob car a fan newydd erbyn 2035.

Mae'r newid i gerbydau trydan yn gofyn am rwydwaith gwefru cyhoeddus. Busnesau preifat yw gweithredwyr mannau gwefru cyhoeddus, sy'n dibynnu ar ddigon o bobl yn defnyddio cerbydau trydan mewn ardal, er mwyn i osod a gweithredu seilwaith gwefru fod yn werth chweil. Fodd bynnag, er mwyn rhoi'r hyder i yrwyr newid i gerbydau trydan, mae angen sefydlu'r cyflenwad o seilwaith gwefru cyn y galw, a fydd yn gwneud y cyfan yn fasnachol hyfyw i weithredwyr. Gan y bydd lleoedd parcio sy'n fannau gwefru cerbydau trydan bellach yn cael eu hasesu ar gyfer ardrethi annomestig o dan amgylchiadau penodol, bydd y rhyddhad yn gohirio dechrau'r atebolrwydd ac yn atal rhwystr ariannol posibl i'r broses barhaus o gyflwyno seilwaith gwefru ledled Cymru. Bwriad hyn yw helpu i gefnogi'r gwaith o osod mannau gwefru cerbydau trydan ar y cyflymder gofynnol ac ym mhob un o'r lleoliadau sydd eu hangen, gan gynnwys mewn ardaloedd gwledig lle mae'r galw yn is.

Dyma gynllun gan Lywodraeth Cymru sy'n cael ei weinyddu gan yr holl awdurdodau lleol (y 22 o gynghorau sir a chynghorau bwrdeistref sirol) yng Nghymru.

Mae'r rhyddhad yn gymwys i leoedd parcio a blaengyrtiau cyhoeddus sy'n fannau gwefru cerbydau trydan. Y rheini y bwriedir iddynt elwa ar hyn yw gweithredwyr rhwydwaith hereditamentau cymwys (unedau eiddo annomestig gydag asesiadau ardrethu ar wahân).

Cyflenwi trydan, nwy, ager ac aerdymheru

11 Awst 2026 hyd at 31 Mawrth 2036.

Mae'r cynllun hwn wedi'i gofrestru am gyfnod o ddeng mlynedd.

£26,000,000

Rhyddhad llawn rhag atebolrwydd am ardrethi annomestig ar gyfer lleoedd parcio a blaengyrtiau sy'n fannau gwefru cerbydau trydan.

Mae'r rhyddhad yn gymwys i bob hereditament sy'n cynnwys yn gyfan gwbl neu'n bennaf fan gwefru cerbydau trydan, ynghyd â lle parcio cysylltiedig, neu flaengwrt man gwefru cerbydau trydan. Mae hyn yn golygu bod lle parcio neu flaengwrt cymwys yn cael ei asesu yn hereditament annibynnol at ddibenion ardrethi annomestig. Er mwyn bod yn gymwys i gael y rhyddhad, rhaid i'r mannau gwefru fod wedi'u bwriadu i'w defnyddio'n bennaf gan aelodau o'r cyhoedd.

Nid yw eiddo sy'n cynnwys mannau gwefru cerbydau trydan, ond sy'n cael eu defnyddio at ddiben ehangach, yn gymwys. Mae enghreifftiau'n cynnwys maes parcio sy'n cynnwys rhai mannau gwefru cerbydau trydan o dan un asesiad neu flaengwrt cymysg sy'n darparu mannau gwefru cerbydau trydan ochr yn ochr â thanwyddau eraill (e.e. petrol a disel). Ni fyddai eiddo o'r fath yn bodloni'r meini prawf cymhwystra a ddisgrifir uchod.

Gwerth y budd yw 100% o'r atebolrwydd a fyddai wedi bod yn ddyledus yn absenoldeb y rhyddhad.

£3,600,000

Ni ddisgwylir i'r budd uchaf fod yn fwy na £1,200,000 y flwyddyn, erbyn diwedd y cynllun. Mae hyn yn gyfystyr â chyfanswm budd uchaf o £3,600,000 i fuddiolwr unigol dros gyfnod o dair blynedd. Mae hyn yn ystyried cyfrannau gyfredol o’r farchnad y gweithredwyr mannau gwefru cyhoeddus ac amcangyfrif o’r twf sydd ei angen dros gyfnod y cynllun.

I gael rhagor o wybodaeth ynghylch gwneud cais am gymorth o dan y cynllun hwn, cysylltwch â: PolisiTrethiLleol@llyw.cymru

I gael rhagor o wybodaeth am sut mae'r cynllun hwn yn cydymffurfio â Deddf Rheoli Cymorthdaliadau 2022, cysylltwch ag: