RPW Ar-lein: arweiniad i gwsmeriaid: sut i ddefnyddio rolau asiantaethau, undebau amaethyddol a chynghorwyr y diwydiant
Canllawiau manwl i gwsmeriaid ar sut i ddefnyddio eich cyfrif RPW Ar-lein.
Efallai na fydd y ffeil hon yn gyfan gwbl hygyrch.
Ar y dudalen hon
Rolau asiant/undeb ffermio
Isod ceir trosolwg o'r rolau y gallwch eu neilltuo i'ch Asiant/Undeb Ffermio a'r hyn y gallant ei wneud i chi os ydynt wedi cael un neu fwy o'r rolau hyn.
Diwygio Manylion Busnes: bydd y rôl hon yn caniatáu i welliannau gael eu gwneud i'ch manylion busnes ar-lein. Gellir gwneud newidiadau i fanylion busnes o dan Manylion y Cwsmer.
Cwblhau Hawliadau: bydd y rôl hon yn caniatáu cwblhau hawliad ar-lein (unwaith y bydd yr opsiwn ar gael). Nid yw'n golygu bod ganddynt ganiatâd i gyflwyno'r hawliad.
Cyflwyno Hawliadau: bydd y rôl hon yn caniatáu cyflwyno hawliad ar-lein (unwaith y bydd y bydd yr opsiwn ar gael).
Gweld Taliad/ Llythyrau Ariannol: bydd y rôl hon yn caniatáu i Wybodaeth Ariannol gael ei gweld ar-lein, e.e. llythyrau talu, llythyrau ynglŷn â gordalu a thaliadau i chi. Ni fydd Asiantau/Undebau Ffermio yn gallu gweld eich manylion banc.
Rheoli Hawliau: bydd y rôl hon yn caniatáu cychwyn trosglwyddiadau o'ch hawliau Cynllun Taliad Sylfaenol (BPS) ar-lein (unwaith y bydd yr opsiwn ar gael). Anfonir hysbysiad o unrhyw geisiadau a wneir i drosglwyddo (neu lesio) at eich cyfeiriad gohebu.
Derbyn/Gwrthod contractau: bydd y rôl hon yn caniatáu i gontractau gael eu derbyn neu eu gwrthod.