Strategaeth ddrafft ar dipio anghyfreithlon

Mae’r strategaeth hon yn amlinellu cyfres o brif gamau gweithredu. Pan fyddant yn cael eu cyflawni byddant yn sicrhau’r canlyniadau a ddymunir gennym ac yn gwireddu ein gweledigaeth ar gyfer ‘Cymru Ddi-dipio’.

Tipio yw'r term cyffredin sy'n cael ei ddefnyddio i ddisgrifio gwastraff sy'n cael ei adael ar dir yn anghyfreithlon. Mae Llywodraeth Cymru wedi ymrwymo i fynd i'r afael â thipio anghyfreithlon. Ers 2007 mae Llywodraeth Cymru bod yn gweithio gyda Taclo Tipio Cymru er mwyn lleihau tipio anghyfreithlon.

Mae’r ymgynghoriad hwn yn nodi rhai canlyniadau lefel uchel a bydd hynny’n pennu’r cyfeiriad ar gyfer mynd i’r afael â thipio anghyfreithlon yn y dyfodol yng Nghymru. Mae’r rhain yn cynnwys:

• Pob sefydliad allweddol yng Nghymru yn ymrwymo i ddileu tipio anghyfreithlon ymrwymiad sy’n rhan annatod o’u strategaethau a’u gwaith o ddydd i dydd
• Dealltwriaeth eang bod tipio anghyfreithlon yn annerbyniol mewn cymdeithas
• Haws i bobl ddelio â’u gwastraff mewn ffordd gyfrifol
• unrhyw un sy’n tipio’n anghyfreithlon yn cael ei ddal a’i gosbi’n briodol.

Rydym am glywed eich barn ynghylch y strategaeth hon sy’n nodi yr hyn yr hoffem ni a’n partneriaid ei wneud i leihau tipio anghyfreithlon ledled Cymru.