Strategaethau ac ymyriadau i gefnogi'r diwydiant pren: adolygiad llenyddiaeth

Mae'r adolygiadau hyn yn archwilio strategaethau presennol i annog rheoli coedwigoedd yn gynaliadwy, gan ddefnyddio pren ar gyfer cynhyrchion gwerth uchel a'r manteision cymdeithasol cysylltiedig.

Rheoli coetiroedd yn gynaliadwy

Mae llawer o wledydd yn Ewrop yn rheoli eu coetiroedd trwy ddulliau rheoli coedwigoedd cynaliadwy gan gynnwys coedwigaeth gorchudd di-dor, llawrgwympo ac ailstocio. Mae tystiolaeth yn awgrymu y gall y ddau wneud cyfraniadau cadarnhaol i atafaelu carbon, gyda phren a echdynnwyd yn parhau i storio carbon os caiff ei ddefnyddio at ddibenion hirdymor ee. yn y diwydiant adeiladu. Dros y tymor hwy, mae'r gwahaniaeth mewn atafaelu carbon gan ddefnyddio gwahanol senarios rheoli yn llai amlwg.

Hyrwyddo pren fel cynnyrch adeiladu

Yn rhyngwladol, mae newidiadau i reoliadau, safonau a chodau adeiladu wedi eu hawgrymu neu eu cyflwyno i annog y defnydd o bren wrth adeiladu yn benodol.

Addysg a rhannu gwybodaeth

Nodwyd bod addysg a rhannu gwybodaeth yn ddull o annog:

arferion coedwigaeth gynaliadwy
defnyddio pren fel cynnyrch adeiladu ymhlith gweithwyr proffesiynol y diwydiant
dfermwyr i ymgymryd ag arferion coedwigaeth cynhyrchiol drwy dynnu sylw at y manteision i'w fferm

Grantiau a chymorth ariannol

Nodwyd y defnydd o grantiau a chymorth ariannol yn y llenyddiaeth i annog arferion coedwigaeth cynaliadwy ac i gefnogi ffermwyr i arallgyfeirio i blannu coed a rheoli coedwigoedd yn gynaliadwy.

Manteision cymdeithasol

Roedd manteision cymdeithasol diwydiant pren gwerth uchel a nodwyd yn y llenyddiaeth yn cynnwys:

manteision ffisiolegol a seicolegol pren agored mewn adeiladau gan gynnwys mewn lleoliadau gofal iechyd
cyfleoedd i gynyddu'r cyflenwad tai
cyfleoedd i gyrraedd targedau cynaliadwyedd drwy ddefnyddio potensial storio carbon pren
cyfleoedd gwaith sy'n gysylltiedig â diwydiannau newydd neu ddiwydiannau sy'n tyfu

Adroddiadau