Strwythuro ffurflenni ar LLYW.CYMRU

Mae gan ffurflenni papur a digidol wahanol gryfderau a gwendidau. Dylech gymryd gofal a sylw dyledus wrth ddylunio ar gyfer y ddau fformat.

Mae symud o bapur i ddigidol yn gyfle i drawsnewid sut caiff eich gwasanaeth ei darparu. Ni ddylech roi eich ffurflenni papur ar-lein.

Cyn i chi ddechrau, gwenwch restr o'r holl wybodaeth sydd ei hangen arnoch gan eich defnyddwyr.

Dylech ond ychwanegu cwestiwn os ydych yn gwybod:

• bod angen y wybodaeth arnoch i ddarparu'r gwasanaeth
• pam fod angen y wybodaeth arnoch
• beth fyddwch yn gwneud gyda'r wybodaeth
• pa ddefnyddwyr sydd angen rhoi'r wybodaeth i chi
• sut fyddwch chi'n gwirio fod y wybodaeth yn gywir
• sut i gadw'r wybodaeth yn gyfoes a diogel

Gelwir y rhestr yn 'protocol cwestiynau', mae'n wahanol i'r ffurflen ei hunan gan ei fod ynghylch sut y byddwch yn defnyddio'r atebion.

Mae protocol cwestiynau yn eich gorfodi chi (a'ch sefydliad) i gwestiynu pam yr ydych yn gofyn am bob darn o wybodaeth gan eich defnyddwyr. Mae'n rhoi ffordd i chi o herio a gwthio yn ôl yn erbyn cwestiynau diangen os oes angen i chi wneud.

Unwaith i chi benderfynu beth sydd angen i chi ofyn, gallwch feddwl am sut i ofyn y cwestiynau.

Unwaith i chi benderfynu ar brotocol cwestiynau, gallwch ddechrau penderfynu sut i drefnu eich cwestiynau.

Dechreuwch gyda'r cwestiynau fydd yn gadael i ddefnyddwyr wybod os ydynt yn gymwys ar gyfer y gwasanaeth, i osgoi gwastraffu amser pobl.

Defnyddiwch gwestiynau canghennog fel bod pobl ond yn ateb cwestiynau sy'n berthnasol iddynt.

Mae angen i chi benderfynu pa grwp o ddefnyddwyr i'w blaenoriaethu. Gwnewch yn siŵr eich bod yn gwybod maint cymharol eich gwahanol grwpiau defnyddwyr, a sut fydd eich penderfyniadau yn effeithio arnynt.

Dechreuwch drwy rannu'r ffurflen ar draws nifer o dudalennau gydag un peth yn unig ar bob tudalen, er enghraifft:

• un darn o wybodaeth ar gyfer y defnyddiwr
• un penderfyniad sy'n rhaid iddynt wneud
• un cwestiwn sy'n rhaid iddynt ei ateb

Bydd ymchwil defnyddwyr yn dweud wrthych pryd y gallwch gyfuno tudalennau.

Mae cychwyn gydag un peth ar dudalen yn helpu pobl i:

• ddeall beth yr ydych yn gofyn iddynt wneud
• canolbwyntio ar gwestiwn penodol a'i ateb
• llywio drwy broses anghyfarwydd
• defnyddio'r gwasanaeth ar ddyfais symudol
• adfer yn hawdd o wallau ar y ffurflen

Mae hefyd yn eich helpu i:

• arbed atebion defnyddiwr yn awtomatig wrth iddynt fynd yn eu blaenau
• gipio analyteg ynghylch pob cwestiwn
• delio gyda chwestiynau canghennog a chylchoedd

Nid yw gofyn cwestiwn o reidrwydd yn golygu y dylech ddefnyddio un maes ffurflen yn unig. Er enghraifft, caiff dyddiad geni ei gipio orau gyda 3 maes testun.

Ar gyfer teitlau tudalennau, gallwch ddefnyddio cwestiwn neu ddatganiad. Er enghraifft, 'Beth yw eich dyddiad geni?' neu 'Dyddiad geni'.

Defnyddiwch gwestiynau neu ddatganiadau'n gyson i helpu defnyddwyr fynd i rythm o ateb. Mae hyn yn gadael iddynt ganolbwyntio ar gynnwys y cwestiynau yn hytrach na sut y cânt eu cyflwyno.

Mwy ynghylch defnyddio protocol cwestiynau (ar UX Matters).