Tacsis a cherbydau hurio preifat: cod gwisg
Canllaw ar god gwisg gyrrwr.
Efallai na fydd y ffeil hon yn gyfan gwbl hygyrch.
Cydnabyddir, yn y diwydiant tacsis, fod Cerbydau Hacni a Cherbydau Hurio Preifat yn chwarae rôl bwysig wrth gyfleu delwedd gadarnhaol o'r ardal.
Er mwyn sicrhau bod y diwydiant cerbydau hacni a cherbydau hurio preifat yn cyfleu delwedd broffesiynol a bod gyrwyr yn gyrru'n ddiogel, mae'r cod gwisg canlynol yn gymwys:
- Dylai dillad fod yn lân, mewn cyflwr da a heb eu difrodi
- Ni ddylai trowsus byr na sgertiau fod yn uwch na'r pengliniau
- Dylai esgidiau ffitio o amgylch sawdl y droed
- Ni ddylid gwisgo cyflau ('hoods') dros y pen wrth yrru
Mae enghreifftiau o ddillad derbyniol yn cynnwys:
- Trowsus/jîns trwsiadus
- Crys
- Crys Ti trwsiadus
- Trowsus byr trwsiadus
- Crysau Polo
- Siwmperi
Mae safonau gwisg annerbyniol yn cynnwys:
- Dillad ac arnynt sloganau neu graffigwaith o natur sarhaus/awgrymog
- Dillad brwnt, drewllyd, sydd wedi colli lliw neu wedi'u difrodi
- Esgidiau megis fflip-fflops neu 'sliders' nad oes ganddynt strapiau sawdl
- Sodlau uchel
- Capiau pêl fas neu fathau eraill o wisg pen sy'n cuddio'r wyneb
- Dillad nad ydynt yn gorchuddio'r ysgwyddau na rhan uchaf y breichiau megis festiau
- Dillad nad ydynt yn gorchuddio'r frest neu'r bol megis topiau â gwddf isel neu 'crop tops'.
Nid yw'r rhestrau uchod yn gynhwysfawr a gall fod safonau gwisg eraill nad ydynt yn dderbyniol, ym marn Swyddogion Awdurdodedig yr Awdurdod Trwyddedu. Gall methu â chydymffurfio â'r cod gwisg arwain at rybudd ysgrifenedig. Gall methiannau parhaus i gydymffurfio ar fwy na dau achlysur o fewn 12 mis arwain at atgyfeirio'r gyrrwr at y Pwyllgor Trwyddedu er mwyn iddo benderfynu ar unrhyw gamau ychwanegol sydd angen eu cymryd.