Tanau llosgi bwriadol: Ebrill 2017 i Mawrth 2018

Tanau

• Ymatebodd Gwasanaeth Tân ac Achub Cymru i  6,372 o danau bwriadol yn 2017-18. Mae hyn yn gynnydd o 7% o'i gymharu â'r flwyddyn flaenorol, ond dim ond tua chwarter y nifer yn 2001-02. O'r tanau hyn, roedd 19% yn brif danau.
• Yn 2017-18, roedd dau draean o danau bwriadol yn Ne Cymru, bron chwarter yng Nghanol a Gorllewin Cymru, a degfed yng Ngogledd Cymru.

Cerbydau

• Yn 2017-18, roedd 677 o brif danau a gychwynnwyd yn fwriadol mewn ceir, gostyngiad o 19% o’i gymharu â’r flwyddyn flaenorol.

Tanau mewn ysgolion

• Yn 2017-18, roedd 8 o danau bwriadol mewn ysgolion, sy’n cyfateb i bron draean o’r holl danau mewn ysgolion.

Tarddiad a defnydd peryglus

• Dros y 5 mlynedd diwethaf, dodrefn ac eitemau dodrefnu oedd y defnydd a daniodd gyntaf mewn 18% o’r prif danau bwriadol.
• O’r holl sylweddau peryglus mewn prif danau bwriadol yn 2013-14 i 2017-18, roedd 76% yn hylifau fflamadwy.

Marwolaethau neu anafiadau

• Yn 2017-18, roedd 47 o anafiadau heb fod yn rhai angheuol o ganlyniad i danau bwriadol. Nid oedd unrhyw farwolaethau.