Yr hyn a wnawn
Nod Tasglu Hawliau Pobl Anabl yw cael gwared ar anghydraddoldebau y mae pobl anabl yn eu profi mewn cymdeithas, yn dilyn pandemig COVID-19.
Ym mis Gorffennaf 2021, cyhoeddodd Fforwm Cydraddoldeb i Bobl Anabl adroddiad ‘Drws Ar Glo: Datgloi Bywydau a Hawliau Pobl Anabl yng Nghymru ar ôl COVID-19’.
Mae’r adroddiad yn tynnu sylw at anghydraddoldebau y mae pobl anabl mewn cymdeithas yn eu hwynebu, yn enwedig yr hyn a welwyd yn ystod pandemig y coronafeirws.
Un elfen o ymateb Llywodraeth Cymru i’r adroddiad oedd sefydlu Tasglu Hawliau Pobl Anabl.
Er mwyn mynd i’r afael â’r materion sy’n cael sylw yn yr adroddiad, bydd y Tasglu yn gweithio ochr yn ochr â’r canlynol:
- pobl sydd â phrofiad o’r materion hyn ac sydd ag arbenigedd ynddynt
- sefydliadau pobl anabl
- arweinwyr polisi Llywodraeth Cymru
- cyrff/sefydliadau eraill sydd â diddordeb
Bydd ein gwaith yn seiliedig ar gyd-ddealltwriaeth o’r Model Cymdeithasol o Anabledd, hawliau dynol a chydgyflawni.
Meysydd blaenoriaeth
Meysydd blaenoriaeth ein rhaglen waith yw:
- gwreiddio a deall y Model Cymdeithasol o Anabledd (ledled Cymru)
- mynediad at wasanaethau (gan gynnwys cyfathrebu a thechnoleg)
- byw’n annibynnol: gofal cymdeithasol
- byw’n annibynnol: iechyd a lles
- teithio
- cyflogaeth ac incwm
- tai fforddiadwy a hygyrch
- plant a phobl ifanc
- mynediad at gyfiawnder
- llesiant (fel gweithdy)
Bydd y Tasglu yn ystyried y prif argymhellion sy’n ofynnol i sicrhau gwelliannau i blant ac oedolion anabl yng Nghymru, y bydd Llywodraeth Cymru, gwasanaethau cyhoeddus ehangach a phobl anabl yn gweithio gyda’i gilydd i’w cyflawni.