Sut y byddwn yn dwyn sefydliadau'r GIG yng Nghymru i gyfrif.
Cynnwys
Mae Fframwaith Atebolrwydd a Chymorth GIG Cymru yn darparu canllawiau i fyrddau iechyd, ymddiriedolaethau ac awdurdodau iechyd arbennig ynghylch sut rydym yn eu dwyn i gyfrif, ac yn nodi pryderon difrifol yn y GIG ac yn ymateb iddynt.
Yn unol â'r Fframwaith, cynhelir cyfarfodydd o leiaf ddwywaith y flwyddyn rhwng Llywodraeth Cymru, Perfformiad a Gwella GIG Cymru, Arolygiaeth Gofal Iechyd Cymru ac Archwilio Cymru.
Mae'r broses hon yn ddull ar gyfer rhannu tystiolaeth a darparu cyngor i nodi problemau. Trafodir sefyllfa pob bwrdd iechyd, ymddiriedolaeth GIG ac awdurdod iechyd arbennig yn erbyn y maes sylfaen, sef arweinyddiaeth neu arwain yn dda, a'r pedair colofn ategol a nodir yn y fframwaith:
- Ansawdd
- Y Gweithlu
- Cyllid a Chynllunio
- Cyflawni a Pherfformiad
Bydd Llywodraeth Cymru yn ystyried yr wybodaeth a'r dystiolaeth o'r cyfarfodydd hyn cyn gwneud argymhellion i'r Gweinidog Cabinet dros Iechyd a Gofal ynghylch lefelau uwchgyfeirio yn y dyfodol.
Pum lefel o drefniadau atebolrwydd
Lefel 1
Mae'r lefel hon yn disgrifio sefydliadau sy'n gweithredu'n unol â'r cynllun ar y cyfan, mae ganddynt drefniadau effeithiol o ran llywodraethiant a gallant reoli amrywiadau mewn gofal drwy drefniadau arferol y Bwrdd a'r uwch-dîm gweithredol.
Maent yn darparu sicrwydd arferol i Lywodraeth Cymru, yn dilyn proses adrodd gyffredin ac yn cymryd rhan mewn adolygiadau atebolrwydd ddwywaith y flwyddyn.
Lefel 2
Mae'r lefel hon ar gyfer sefydliadau lle mae risgiau sy'n dod i'r amlwg yn annhebygol o gael eu datrys drwy drefniadau arferol yn unig, ond sydd â'r gallu o hyd i adfer.
Gall y sefydliadau hyn gael cymorth ataliol a mwy o oruchwyliaeth.
Lefel 3
Mae sefydliadau ar lefel 3 yn destun pryder sylweddol mewn perthynas â maes neu golofn atebolrwydd, neu nid ydynt wedi sicrhau gwelliant drwy'r camau gweithredu ar lefel 2.
Mae'r sefydliadau hyn yn cael:
- cymorth penodol gan Perfformiad a Gwella GIG Cymru
- fframwaith uwchgyfeirio ffurfiol sy'n nodi'r trefniadau adfer a'r meini prawf ar gyfer isgyfeirio. Caiff hyn ei fonitro gan Lywodraeth Cymru drwy gyfarfodydd chwarterol.
Lefel 4
Mae uwchgyfeirio i lefel 4 yn cyfeirio at sefydliadau sy'n dangos methiant difrifol neu sydd mewn perygl o fod angen ymyriad wedi'i gomisiynu i gefnogi adferiad.
Mae'r sefydliadau hyn yn cael:
- cymorth wedi'i dargedu gan Perfformiad a Gwella GIG Cymru
- fframwaith uwchgyfeirio ffurfiol sy'n nodi'r trefniadau cymorth ac adfer a'r meini prawf ar gyfer isgyfeirio. Caiff hyn ei fonitro gan Lywodraeth Cymru drwy gyfarfodydd rheolaidd.
Lefel 5
Mae sefydliadau ar lefel 5 wedi dangos methiant difrifol neu gymhleth iawn lle nad yw gallu'r sefydliad yn ddigonol i adfer heb ymyriad allanol dwys.
Mae'r sefydliadau hyn yn cael:
- cymorth wedi'i dargedu gan Perfformiad a Gwella GIG Cymru
- fframwaith uwchgyfeirio ffurfiol sy'n nodi'r trefniadau adfer a'r meini prawf ar gyfer isgyfeirio. Caiff hyn ei fonitro gan Lywodraeth Cymru
- fel dewis olaf, gellir defnyddio pwerau Gweinidogol fel y'u nodir yn Neddf y GIG (Cymru) 2006.
Lefelau atebolrwydd sefydliadau GIG Cymru
Gellir gweld statws uwchgyfeirio blaenorol sefydliadau mewn datganiadau ysgrifenedig.
Bwrdd Iechyd Prifysgol Aneurin Bevan
Lefel 4 ar gyfer cyllid, strategaeth a chynllunio, a pherfformiad a chanlyniadau sy'n ymwneud â gofal brys ac argyfwng.
Gellir gweld y fframweithiau uwchgyfeirio presennol a blaenorol ar gyfer Bwrdd Iechyd Prifysgol Aneurin Bevan yn:
Bwrdd Iechyd Prifysgol Betsi Cadwaladr
Lefel 5 (ers mis Chwefror 2023)
Gellir gweld y fframweithiau uwchgyfeirio presennol a blaenorol ar gyfer Bwrdd Iechyd Prifysgol Betsi Cadwaladr yn:
Bwrdd Iechyd Prifysgol Caerdydd a'r Fro
Lefel 4
Gellir gweld y fframweithiau uwchgyfeirio presennol a blaenorol ar gyfer Bwrdd Iechyd Prifysgol Caerdydd a'r Fro yn:
Bwrdd Iechyd Prifysgol Cwm Taf Morgannwg
Lefel 3 ar gyfer perfformiad a chanlyniadau sy'n ymwneud â gofal a gynlluniwyd.
Lefel 4 ar gyfer perfformiad a chanlyniadau sy'n ymwneud â gofal brys ac argyfwng.
Gellir gweld y fframweithiau uwchgyfeirio presennol a blaenorol ar gyfer Bwrdd Iechyd Prifysgol Cwm Taf Morgannwg yn:
Bwrdd Iechyd Prifysgol Hywel Dda
Lefel 3 ar gyfer perfformiad a chanlyniadau sy'n ymwneud â gofal a gynlluniwyd.
Lefel 4 ar gyfer cyllid, strategaeth a chynllunio; a pherfformiad a chanlyniadau sy'n ymwneud â gofal brys ac argyfwng, gwasanaethau bregus (gan gynnwys offthalmoleg), a heintiau sy'n gysylltiedig â gofal iechyd.
Gellir gweld y fframweithiau uwchgyfeirio presennol a blaenorol ar gyfer Bwrdd Iechyd Prifysgol Hywel Dda yn:
Bwrdd Iechyd Addysgu Powys
Lefel 4 ar gyfer cyllid, strategaeth a chynllunio.
Gellir gweld y fframweithiau uwchgyfeirio presennol a blaenorol ar gyfer Bwrdd Iechyd Addysgu Powys yn:
Bwrdd Iechyd Prifysgol Bae Abertawe
Lefel 3 ar gyfer perfformiad a chanlyniadau sy'n ymwneud â gofal a gynlluniwyd.
Lefel 4 ar gyfer gwasanaethau mamolaeth a newyddenedigol, cyllid, strategaeth a chynllunio; a pherfformiad a chanlyniadau sy'n ymwneud â chanser, heintiau sy'n gysylltiedig â gofal iechyd, a gofal brys ac argyfwng.
Gellir gweld y fframweithiau uwchgyfeirio presennol a blaenorol ar gyfer Bwrdd Iechyd Prifysgol Bae Abertawe yn:
Bwrdd Iechyd Prifysgol Bae Abertawe (SBUHB)
Iechyd a Gofal Digidol Cymru
Lefel 4
Gellir gweld y fframweithiau uwchgyfeirio presennol a blaenorol ar gyfer Iechyd a Gofal Digidol Cymru yn:
Addysg a Gwella Iechyd Cymru
Lefel 1
Iechyd Cyhoeddus Cymru
Lefel 1
Ymddiriedolaeth GIG Prifysgol Felindre
Lefel 1
Ymddiriedolaeth GIG Gwasanaethau Ambiwlans Cymru
Lefel 1