Trosglwyddo’r Gymraeg a’i defnydd mewn teuluoedd

Nod y prosiect oedd archwilio sut mae rhieni yn defnyddio’r Gymraeg â’u plant a sut mae gwahanol ffactorau yn dylanwadu ar y defnydd o’r Gymraeg yn y cartref. Yn benodol, nod y prosiect oedd ateb y cwestiynau ymchwil canlynol:

• Beth yw’r amodau sydd yn hwyluso trosglwyddo’r Gymraeg o fewn teuluoedd, a’r amodau sydd yn gwneud trosglwyddo’r Gymraeg yn llai tebygol?
• Pa amodau sydd yn dylanwadu ar batrymau defnydd o’r Gymraeg mewn teuluoedd sydd â phlant 0-4 oed?

Mae’r adroddiad ymchwil yn cynnwys:

• adolygiad llenyddiaeth trylwyr ar gwaith rhyngwladol ar drosglwyddo iaith rhwng y cenedlaethau a gwaith ymchwil blaenorol ar drosglwyddo’r Gymraeg rhwng y cenedlaethau
• dadansoddiad ystadegol o ddata perthnasol i drosglwyddo’r Gymraeg o’r Cyfrifiad Cenedlaethol (2011)
• dadansoddiad dulliau cymysg (meintiol ac ansoddol) data gwreiddiol a gasglwyd gan 60 o deuluoedd trwy holiaduron ysgrifenedig a chyfweliadau lled-strwythuredig
• trafodaeth drylwyr o’r canfyddiadau meintiol ac ansoddol ac argymhellion ar gyfer ymchwil pellach a pholisi i Lywodraeth Cymru a’i phartneriaid.