Cronfa Tai â Gofal
Cyfeirnod y cymhorthdal SC.11040 - annog darparu tai â chymorth a llety a thai â chymorth i bobl ag anghenion gofal a chymorth sy'n agored i niwed mewn cymdeithas.
Efallai na fydd y ffeil hon yn gyfan gwbl hygyrch.
Ar y dudalen hon
1. Rhanbarth
Cymru Gyfan
2. Teitl y Cynllun Cymhorthdal
Cronfa Tai â Gofal (HCF)
3. Sail gyfreithiol y DU
Adrannau 1 a 2 o Ddeddf y Gwasanaeth Iechyd Gwladol (Cymru) 2006 a swyddogaethau a drosglwyddwyd o dan adrannau 58A o Ddeddf Llywodraeth Cymru 2006.
4. Amcanion y cynllun
Nod y gronfa yw cefnogi'r gwaith o ddarparu llety a thai â chymorth i bobl ag anghenion gofal a chymorth sy'n agored i niwed mewn cymdeithas. Prif amcan y grant cyfalaf HCF yw darparu cymorth ariannol i sicrhau bod y sefydliadau cyflawni yn parhau i ddatblygu a/neu brynu eiddo i bobl ag anghenion gofal a chymorth i fyw'n annibynnol yn eu cymunedau.
5. Yr awdurdod cyhoeddus sydd wedi’i awdurdodi i roi’r cynllun ar waith
Llywodraeth Cymru
6. Categorïau o fentrau sy’n gymwys
Mae awdurdodau lleol, landlordiaid cymdeithasol cofrestredig, byrddau iechyd a sefydliadau'r trydydd sector yn fentrau cymwys.
7. Sector(au) a gefnogir
Adeiladu
8. Hyd y cynllun
Dyddiad dechrau: 22 Chwefror 2024
Dyddiad dod i ben: 31 Mawrth 2027
9. Cyllideb ar gyfer cymorth o dan y Cynllun
£60 miliwn
10. Math o gefnogaeth
Bydd yr holl gymhorthdal a ddyfernir o dan y Cynllun yn cael ei ddyfarnu drwy grantiau.
11. Telerau ac amodau cymhwysedd
Mae'r Gronfa Tai â Gofal (HCF) yn cael ei darparu gan Lywodraeth Cymru i Awdurdodau Lleol, Landlordiaid Cymdeithasol Cofrestredig, Byrddau Iechyd a sefydliadau'r Trydydd Sector ar gyfer gwahanol fathau o brosiectau fel grant cyfalaf.
12. Y sail ar gyfer cyfrifo cymorthdaliadau
Ar gyfer pob prosiect o dan amcan 1 mae HCF yn cyfrifo'r lefelau grant gan ddefnyddio'r Model Hyfywedd Safonol (“SVM”) ar gyfer buddsoddiadau tai a llety a gaiff eu hariannu a osodir fel tenantiaethau cymdeithasol.
Oherwydd ystod ac amrywiaeth y prosiectau o dan Amcan 2, caiff ceisiadau eu hasesu a chaiff cyfraddau grant eu pennu fesul achos unigol.
13. Y cymhorthdal mwyaf a ganiateir o dan y cynllun
£5 miliwn
14. Gwybodaeth gysylltu
Yr Uned Rheoli Cymorthdaliadau
Llywodraeth Cymru
Parc Cathays
Caerdydd CF10 3NQ
Y Deyrnas Unedig
Rhif ffôn: + 44 (0)3000 604 400
E-bost: subsidycontrolunit@llyw.cymru
Rydym yn croesawu galwadau a gohebiaeth yn Gymraeg.
