Ychwanegu manylion eich llety

Eich lleoliad yw cyfeiriad eich llety. Er enghraifft, cyfeiriad eich parc gwyliau sydd â phodiau glampio a lleiniau gwersylla. 

Byddwch yn gofyn i chi ychwanegu manylion canlynol eich lleoliad:

• cyfeiriad
• enw (fel Fferm Pen Bryn)

Os oes gennych fwy nag un lleoliad

Gallwch ychwanegu mwy o leoliadau a rhoi eu manylion.

Nodwch pa fath o lety rydych chi'n ei gynnig yn eich lleoliad, fel:

• eich prif gartref i gyd 
• ystafelloedd sbâr yn eich cartref 
• llety hunanarlwyo (er enghraifft, bythynnod, tai, fflatiau neu gabannau) 
• gwesty, gwely a brecwast neu dŷ llety 
• lleiniau ar gyfer pebyll, carafannau, cartrefi modur neu faniau gwersylla
• carafannau sefydlog neu gartrefi symudol 
• glampio (er enghraifft, cytiau bugail, yurtiau, podiau neu debyg) 
• hostel neu fyncws
• arall (fel bothies)

Ar ôl i chi ddewis y math o lety, byddwn hefyd yn gofyn am y canlynol:

• pryd fydd eich llety ar agor yn ystod y flwyddyn
• nifer yr unedau llety, fel:
  • 50 o leiniau gwersylla
  • 3 bwthyn
  • 20 ystafell
  • 30 o welyau
• enwau'r unedau os oes rhai (fel Bwthyn y Blodau)
• y nifer mwyaf o bobl sy'n gallu aros yn y llety

Os oes gennych fwy nag un math o lety

Gallwch ychwanegu mwy o fathau o lety. 

Enghraifft o ychwanegu manylion llety os ydych yn cadw hostel

Mae Seren yn rhedeg hostel yng Nghaerdydd. Dim ond yn yr haf y mae ei hostel ar agor. Mae ei gwesteion yn gallu archebu gwelyau mewn ystafelloedd i’w rhannu. Mae ganddi 10 ystafell. Mae 6 gwely ym mhob ystafell. 

Dyma sut y byddai Seren yn ychwanegu manylion ei llety: 

• math: hostel neu fyncws
• ar agor ar gyfer archebion: 4 i 6 mis o'r flwyddyn
• nifer yr unedau: 60 o welyau
• nifer y bobl: 60

Gwiriwch fod y manylion yn gywir, cadwch y wybodaeth a gorffennwch eich cofrestriad. 

Byddwn yn anfon e-bost cadarnhau neu lythyr atoch gyda'ch rhif cofrestru.