Claim what's yours service

Mae pawb angen help a chefnogaeth o bryd i’w gilydd.

Gyda chostau byw yn cynyddu, mae llawer o bobl yng Nghymru angen yr help hwnnw nawr.

Mae Llywodraeth Cymru yn gwneud popeth o fewn ei gallu i roi arian yn ôl ym mhocedi pobl.

Mae cymorth ar gael i chi a allai eich helpu gyda rhywfaint o’ch costau byw.

Ffoniwch linell gymorth Advicelink Cymru ‘Hawliwch yr hyn sy’n ddyledus i chi’

Os nad ydych chi’n siŵr pa gymorth sydd ar gael i chi, gall Advicelink Cymru eich helpu i ddarganfod beth sydd ar gael a sut i hawlio’r hyn sy’n ddyledus i chi.

Pan fyddwch yn ffonio Advicelink Cymru ar 0800 702 2020, byddwch yn cael cyngor cyfrinachol am ddim ynghylch arian a allai fod yn ddyledus i chi.

Gall Advicelink Cymru eich helpu gyda’r canlynol:

• gwneud cais am fudd-daliadau lles, fel Taliad Annibyniaeth Personol, Lwfans Gofalwr a Chredyd Pensiwn
• cael cymorth gan Lywodraeth Cymru

Gall llinell gymorth Advicelink Cymru hefyd drefnu i chi gael help gyda dyledion a materion ariannol personol.

Sut ydw i’n cysylltu ag Advicelink Cymru?

Cysylltwch ag un o gynghorwyr Advicelink Cymru heddiw drwy ffonio’r llinell gymorth am ddim ar 0800 702 2020.

Mae’r llinellau ar agor o ddydd Llun i ddydd Gwener rhwng 8am a 7pm, a rhwng 9am ac 1pm ar ddydd Sadwrn. Croesewir galwadau yn Gymraeg.

Beth fydd yn digwydd pan fyddaf yn ffonio’r llinell gymorth?

Pan fyddwch yn cysylltu ag Advicelink Cymru, bydd cynghorydd hyfforddedig yn siarad â chi am eich amgylchiadau ac yn eich helpu i ddarganfod pa gymorth sydd ar gael i chi.

Bydd y cynghorydd yn eich cefnogi drwy gydol y broses hawlio ac yn eich helpu i lenwi unrhyw ffurflenni hawlio.

Gall y cynghorydd hefyd egluro pa dystiolaeth fydd ei hangen i gefnogi eich cais.