Ymgysylltu â rhanddeiliaid ar benodiadau cyhoeddus: hysbysiad preifatrwydd

Mae'r Tîm Penodiadau Cyhoeddus yn ymgysylltu â rhanddeiliaid i rannu gwybodaeth, eu gwahodd i gymryd rhan mewn digwyddiadau, ac i geisio adborth ar Benodiadau Cyhoeddus. Er mwyn cefnogi hyn, rydym yn cadw rhestrau cyswllt o unigolion a sefydliadau sydd â diddordeb mewn penodiadau cyhoeddus.

Mae'r hysbysiad hwn yn esbonio sut mae eich data personol yn cael ei brosesu a'ch hawliau o dan Erthyglau 13 a 14 o Reoliad Cyffredinol y DU ar Ddiogelu Data (GDPR y DU).

Mae’n bosibl y byddwn yn prosesu’r data personol canlynol:

• enw
• cyfeiriad e-bost
• sefydliad
• teitl y swydd
• manylion cyfarfodydd lle mae angen i swyddogion gymryd camau gweithredu 

Rydym yn casglu data personol:

• yn uniongyrchol oddi wrthych chi (er enghraifft, lle'r ydych yn gofyn am gael eich ychwanegu at restr gyswllt, rhoi adborth, neu gysylltu â ni)
• o ffynonellau sydd ar gael i'r cyhoedd, megis gwefannau sefydliadol neu wybodaeth broffesiynol arall
• drwy gymryd rhan mewn cyfarfodydd, digwyddiadau, neu grwpiau rhanddeiliaid 

Rydym yn defnyddio data personol i wneud y canlynol:

• cyfathrebu diweddariadau neu gyhoeddiadau polisi
• ceisio adborth i lywio datblygiad polisi
• eich gwahodd i gyfarfodydd, digwyddiadau neu hyfforddiant
• ymateb i ymholiadau a cheisiadau ymgysylltu
• rhannu gwybodaeth am gyfleoedd penodiadau cyhoeddus 

Gwneir prosesu o dan Erthygl 6(1)(e) o GDPR y DU (tasg gyhoeddus), wrth arfer awdurdod swyddogol sydd wedi'i freinio yng Ngweinidogion Cymru.

Cefnogir hyn gan:

• Gorchymyn yn y Cyfrin Gyngor ar Benodiadau Cyhoeddus (Rhif 2) 2023; a’r
• Cod Llywodraethiant ar Benodiadau Cyhoeddus, sy'n ei gwneud yn ofynnol i benodiadau gael eu gwneud ar sail teilyngdod drwy gystadleuaeth deg ac agored, gan ddefnyddio cronfa mor eang ac amrywiol o ymgeiswyr â phosibl, ac sy'n cefnogi ymgysylltu rhagweithiol i sicrhau bod cyfleoedd yn hygyrch i bobl o ystod eang o gefndiroedd. 

Nid ydym yn prosesu data personol categori arbennig fel mater o drefn. Pan gaiff ei darparu yn wirfoddol (er enghraifft drwy adborth neu weithgarwch ymgysylltu), ni chaiff ei brosesu ond lle bo angen ac yn unol ag Erthygl 9 GDPR y DU. 

Gellir rhannu data personol o fewn y Tîm Penodiadau Cyhoeddus yn Llywodraeth Cymru at y dibenion a nodir uchod. Nid ydym yn rhannu'r data hwn ag adrannau eraill y fel mater o drefn. 

Mae data personol yn cael ei gadw yn unol â Chofrestr Cadw a Gwaredu Llywodraeth Cymru.

Mae manylion cyswllt rhanddeiliaid yn cael eu cadw fel arfer am hyd at dair blynedd. Gall hyn gael ei ymestyn pan fo ymgysylltu parhaus neu ei fyrhau lle'r ydych chi'n gofyn i’ch manylion gael eu dileu.

Mae rhestrau cysylltiadau yn cael eu hadolygu'n rheolaidd ac mae data yn cael ei ddileu lle nad oes ei angen mwyach.

Mae eich data personol yn cael ei brosesu yn y DU. 

Nid ydym yn defnyddio eich data personol i wneud penderfyniadau awtomataidd neu broffilio. 

O dan GDPR y DU mae gennych chi hawl i'r canlynol:

• gweld eich data personol
• gofyn bod data anghywir yn cael ei gywiro
• gofyn am gwblhau data anghyflawn
• gofyn am ddileu data lle nad oes sail gyfreithlon dros ei brosesu
• gofyn am gyfyngu ar brosesu mewn amgylchiadau penodol
• gwrthwynebu prosesu, gan gynnwys at ddibenion marchnata uniongyrchol 
• i arfer eich hawliau, cysylltwch â'r Swyddog Diogelu Data gan ddefnyddio'r manylion isod.

Os ydych chi'n anhapus â'r ffordd y mae eich data personol wedi'i drin, gallwch gysylltu â Swyddfa'r Comisiynydd Gwybodaeth:

Mae gennych yr hawl hefyd i geisio iawn drwy'r llysoedd.