Ysgrifennu at y Gweinidog Cabinet dros Iechyd a Gofal

Bydd pob gweinidog yn ymdrin ag e-byst a llythyrau ar sail eu cyfrifoldebau.

Os hoffech godi materion o fwy nag un portffolio, ysgrifennwch at un gweinidog yn unig. Byddwch yn derbyn un ymateb oddi wrth Lywodraeth Cymru a fydd yn mynd i’r afael â’ch holl bryderon.

Ni fyddwch yn cael ymatebion ychwanegol, nac ymateb cyflymach, drwy gysylltu â mwy nag un gweinidog. Bydd eich holl ddarnau o ohebiaeth yn cael eu cyfuno a byddwch yn derbyn un ateb.

Byddwn yn ymateb drwy e-bost pan fo hynny’n bosibl (hyd yn oed os byddwch wedi ysgrifennu atom ar ffurf copi caled). Efallai y byddwch am anfon eich gohebiaeth drwy e-bost yn unig.

Dylech hefyd edrych yn eich ffolder e-bost sothach a gwirio eich hidlyddion sbam wrth ddisgwyl ymateb. Efallai y byddwch am ychwanegu’r parth @llyw.cymru i’ch rhestr o barthau diogel er mwyn gwneud yn siŵr eich bod yn derbyn ein hymatebion e-bost.

Ein nod yw ymateb o fewn 17 o ddiwrnodau gwaith. Fodd bynnag, o ganlyniad i’r cynnydd yn yr ohebiaeth yr ydym yn ei derbyn ar hyn o bryd, gallem gymryd mwy o amser na hyn.

Ni allwn ateb gohebiaeth ynghylch materion nad ydynt wedi eu datganoli. Llywodraeth y DU sy’n parhau’n gyfrifol am y materion hyn. Gallwch gael manylion cyswllt adrannau perthnasol y DU yma.

Cael help ar-lein

Efallai y bydd yn gyflymach cael help ar-lein.

Cymorth

• Cael help gyda chostau gofal iechyd

Polisi a chanllawiau

• Darganfyddwch sut y byddwn yn lleihau rhestrau aros y GIG
• Darganfyddwch sut y byddwn yn gwella mynediad at ofal brys ac argyfwng
• Mae'r holl bolisi iechyd a gofal cymdeithasol, canllawiau a gwasanaethau ar LLYW.CYMRU

Os hoffech gwyno am wasanaeth y GIG, dylech gysylltu â'r sefydliad sy'n darparu'r gwasanaeth hwnnw.

• Cysylltwch â'ch bwrdd iechyd lleol
• Cwyno am amseroedd aros ambiwlans

Enw'r broses ar gyfer codi pryderon neu gwynion yn GIG Cymru yw Gwrando ar Bobl: Proses Cwynion, Digwyddiadau a Gwneud Iawn GIG Cymru

Gall y corff llais dinasyddion cenedlaethol, Llais hefyd helpu. Mae Llais yn cynrychioli buddiannau pobl Cymru mewn perthynas â gwasanaethau iechyd a gofal cymdeithasol. Dilynwch y canllawiau yn: Eich llais mewn iechyd a gofal cymdeithasol.

Os oes angen cymorth iechyd meddwl arnoch ac nad ydych yn siŵr ble i gael cyngor ac arweiniad ar iechyd meddwl, isod mae rhai opsiynau i chi.

Mae llinell gymorth CALL ar agor 24 awr y dydd, 7 diwrnod yr wythnos. Mae'n cynnig cefnogaeth a chyngor emosiynol cyfrinachol i unigolion ac i'w teuluoedd. Y rhif rhadffôn ar gyfer CALL yw 0800 132 737 neu cysylltwch â ni drwy e-bost: call@callhelpline.wales. Mae gwybodaeth am ofalu am les meddyliol hefyd ar gael ar wefan CALL. 

Am gymorth iechyd meddwl brys, cysylltwch â'r rhif rhadffôn 111, a gwasgwch opsiwn 2.

Mae gwefan GIG Cymru yn rhestru adnoddau sydd ar gael ar-lein a dros y ffôn. Mae'r adnoddau hyn yn ddiogel, yn rhad ac am ddim, ac nid oes angen atgyfeiriad meddyg teulu arnoch i gael mynediad atynt. Am ragor o wybodaeth gweler GIG 111 Cymru - Iechyd Meddwl a Lles.

Cael y wybodaeth ddiweddaraf

I dderbyn y wybodaeth ddiweddaraf am wasanaethau iechyd a chymdeithasol gennym ni, cofrestrwch ar gyfer ein cylchlythyr.

Post

Gallwch ysgrifennu at y gweinidog i’r cyfeiriad isod. Peidiwch ag anfon copïau caled o e-byst.

Bydd llythyrau a dderbynnir drwy’r post yn cael eu hateb. ond gallai gymryd mwy o amser inni ateb llythyrau a dderbynnir drwy’r post. Byddwn yn ymateb drwy e-bost pan fo’n bosibl, felly efallai yr hoffech ysgrifennu atom drwy e-bost.