Cylch gorchwyl

Mae Ystadau Cymru (YC) yn bartneriaeth rhwng sefydliadau yn y sector cyhoeddus a’r trydydd sector yng Nghymru. Cafodd ei sefydlu gan Lywodraeth Cymru i alluogi, cefnogi ac annog rhagoriaeth ym maes rheoli asedau ar y cyd yn y sector cyhoeddus.

Gyda’i ffyrdd o weithio a’i nodau llesiant, mae YC yn cyd-fynd â Deddf Cenedlaethau’r Dyfodol 2015 a’r Rhaglen Lywodraethu.

Mae YC yn cefnogi’r gwasanaethau cyhoeddus yng Nghymru i fabwysiadu dull mwy cyfannol wrth wneud penderfyniadau, ac yn cydnabod pwysigrwydd cydweithio i adeiladu Cymru gryfach, wyrddach a mwy cynaliadwy. 

Mae YC yn atebol i Jane Bryant AS, Ysgrifennydd y Cabinet dros Lywodraeth Leol a Thai.

• Archwilio’r opsiynau, dros y tymor canolig a’r hirdymor, ar gyfer sicrhau gwerth cyhoeddus o asedau sydd ym meddiant y sector cyhoeddus ehangach yng Nghymru.
• Cefnogi a dylanwadu ar ddulliau effeithiol o reoli asedau ar y cyd ar draws y sector cyhoeddus yng Nghymru, i greu Cymru wyrddach a mwy cynaliadwy ar gyfer cenedlaethau’r dyfodol.
• Cefnogi’r Rhaglen Lywodraethu yn y meysydd blaenoriaeth a ganlyn:
  • Adeiladu economi gryfach a gwyrddach
  • Datgarboneiddio’r ystad gyhoeddus
  • Gwella bioamrywiaeth
  • Cefnogi’r economi sylfaenol
  • Gwneud ein dinasoedd, ein trefi, a’n pentrefi yn lleoedd gwell i fyw ac i weithio ynddynt
  • Cefnogi datblygu canolfannau cymunedol a chanolfannau gweithio o bell

• Cefnogi a hwyluso cyfleoedd i sefydliadau’r sector cyhoeddus gydweithio ar eu dull strategol o ymdrin ag eiddo a rheoli eiddo ar draws eu ffiniau daearyddol a sefydliadol.
• Cytuno ar gynllun cyfathrebu, achos busnes a chynllun cyflawni.
• Monitro cynnydd y nodau ac amcanion a bennir yn y cynllun cyfathrebu, y cynllun busnes a’r cynllun cyflawni, a sicrhau eu bod yn cael eu cyflawni.
• Adolygu’r achos busnes a’r cynllun cyflawni yn gyfnodol i sicrhau eu bod yn cyd-fynd â blaenoriaethau’r Rhaglen Lywodraethu a pholisïau rhanbarthol.
• Cefnogi grwpiau thematig Rhanbarthol ac Ystadau Cymru a chyfrannu atynt ble bo’n briodol.
• Cefnogi’r fframwaith ar gyfer rhannu arferion gorau sy’n cynnwys y gynhadledd a gwobrau blynyddol a chynnwys ar gyfer y newyddlen a thudalennau ar y we. 

Mae Ystadau Cymru yn cefnogi gweithgorau rhanbarthol a grwpiau prosiect o fewn ei rwydwaith.

Gweithgorau Rhanbarthol 

Mae Ystadau Cymru yn cynorthwyo gweithgorau rhanbarthol sy’n nodi, cynllunio a chyflawni prosiectau cydweithredol sy’n cyd-fynd ag amcanion Ystadau Cymru a blaenoriaethau rhanbarthol; mae grwpiau cyfredol wedi eu rhestru isod: 

• Gogledd Cymru
• Caerdydd a’r Fro
• Rhanbarth Cwm Taf
• Sir Benfro a Chaerfyrddin 

Mae’r rhain ar agor i sefydliadau yn y sector cyhoeddus a’r trydydd sector ac yn ei gwneud yn bosibl i reolwyr ystadau rannu gwybodaeth a’r hyn a ddysgwyd ynghylch materion ymarferol allweddol, a cheisio cyfleoedd i gynnal prosiectau cydweithredol. 

Mae cadeirydd pob grŵp rhanbarthol yn mynychu cyfarfod Cadeirydd y Cadeiryddion, sy’n fforwm i ddarparu’r newyddion diweddaraf a rhannu gwybodaeth am bynciau newydd. Mae adroddiadau rhanbarthol yn cael eu paratoi bob chwarter a’u hanfon at aelodau’r bwrdd. 

Grwpiau Thematig

Weithiau, mae Ystadau Cymru yn ymgysylltu â phartneriaid ynghylch prosiectau penodol ar ffurf is-grwpiau, a hynny ar gais y Bwrdd neu gydweithwyr polisi eraill yn Llywodraeth Cymru. Mae grwpiau cyfredol yn cynnwys: 

• Diogelwch Adeiladau
• Asedau Cymunedol a Gwerth Cymdeithasol
• Cynaliadwyedd

Mae Bwrdd Ystadau Cymru yn cael ei gadeirio gan Beverly Owen, sef Prif Weithredwr Cyngor Dinas Casnewydd. Mae Bwrdd Ystadau Cymru yn cynnwys cynrychiolwyr o’r sectorau a’r sefydliadau a ganlyn:

• Llywodraeth Cymru
• Awdurdodau Lleol Cymru
• Cyfoeth Naturiol Cymru
• GIG Cymru
• Cyrff cynrychioliadol, e.e. Cymdeithas Llywodraeth Leol Cymru (CLlLC),, Un Llais Cymru, Cymdeithas y Prif Syrfewyr Ystadau (ACES), Consortiwm Awdurdodau Lleol Cymru (CLAW), Cyngor Gweithredu Gwirfoddol Cymru (WCVA)
• Gwasanaethau cyhoeddus nad ydynt wedi’u datganoli, fel yr heddlu
• Undebau llafur

Aelodau Bwrdd Ystadau Cymru ar gyfer 2025

Beverly Owen (Cadeirydd): Prif Weithredwr, Cyngor Dinas Casnewydd

Lorna Cross (Is-gadeirydd): Rheolwr Gweithredol Eiddo, Cyngor Bro Morgannwg

Jon Rae: Cyfarwyddwr Adnoddau, Cymdeithas Llywodraeth Leol Cymru

Tim Peppin: Cyfarwyddwr, Cymdeithasol Llywodraeth Leol Cymru 

Lyn Cadwallader: Prif Weithredwr, Un Llais Cymru

Bleddyn Evans: Prisiwr y Sir a Rheolwr Asedau, Cyngor Bwrdeistref Sirol Conwy 

Claire Jones: Pennaeth Ystadau, Heddlu De Cymru

Clive Ball: Pennaeth Eiddo, Partneriaeth Cydwasanaethau GIG Cymru

Neil Frow: Rheolwr Gyfarwyddwr, Partneriaeth Cydwasanaethau GIG Cymru

Rachael Cunningham: Cyfarwyddwr Gweithredol Gwasanaethau Corfforaethol a Chyllid, Cyfoeth Naturiol Cymru

Alun Jones: Pennaeth Buddsoddi Cymdeithasol - Cyngor Gweithredu Gwirfoddol Cymru

Geoff Bacon: Pennaeth Eiddo, Cyngor Dinas a Sir Abertawe / TUC Cymru

Richard Baker: Dirprwy Gyfarwyddwr, Yr Is-Adran Lle, Llywodraeth Cymru

Andrew Charles: Dirprwy Gyfarwyddwr, Cymunedau Cydlynus, Llywodraeth Cymru

Neal O’Leary: Cyfarwyddwr Rhaglen, Cymunedau Dysgu Cynaliadwy, Llywodraeth Cymru

Nicola Powell: Dirprwy Bennaeth Cyfalaf, Ystadau a Chyfleusterau’r GIG, Llywodraeth Cymru

Judith Cole: Dirprwy Gyfarwyddwr, Polisi Cyllid a Chynaliadwyedd Llywodraeth 

Cyfeillion beirniadol

Laurie Davies: Archwilio Cymru

Ysgrifenyddiaeth Ystadau Cymru: Llywodraeth Cymru