Cylch gorchwyl: is-grŵp asbestos
Cylch gorchwyl o'r is-grŵp asbestos Ystadau Cymru.
Cynnwys
Cefndir
Ym mis Hydref 2019, ysgrifennodd Cyd-bwyllgor Gweithredol Cyngor Partneriaeth y Gweithlu (WPC) at Lywodraeth Cymru i ofyn bod rheoli asbestos ym mhob adeilad cyhoeddus yn cael ei ystyried fel rhan o waith Ystadau Cymru. Amlygwyd ei fod yn faes pwysig o iechyd a diogelwch sydd angen ei reoli'n fwy cyson ar lefel strategol.
Mae'r WPC yn bartneriaeth gymdeithasol dair ffordd o undebau llafur, cyflogwyr a Llywodraeth Cymru, mae'n cwmpasu'r gwasanaethau cyhoeddus datganoledig yng Nghymru ac mae'n fforwm ar gyfer materion gweithlu traws-gyhoeddus.
Mae Llywodraeth Cymru wedi darparu canllawiau o ran asbestos mewn ysgolion, gyda chanllawiau diwygiedig a gyhoeddwyd yn ddiweddar ym mis Awst 2019 ond mae angen ystyried sut y gellir cymhwyso hyn yn ehangach ar draws ystad y sector cyhoeddus.
Diben
Rôl yr is-grŵp fydd rhoi arweiniad strategol er mwyn sicrhau bod gwaith rheoli asbestos yng Nghymru yn wella, drwy archwilio gweithdrefnau presennol a hyrwyddo arferion gorau i’r dyfodol.
Tymor
Bydd y cylch gorchwyl hwn yn weithredol o 30 Tachwedd 2020 a bydd yn parhau hyd nes y’i terfynir drwy gytundeb rhwng y partïon.
Strwyththur ac aelodaeth yr is-grŵp asbestos
Enw |
Sefydliad |
---|---|
Richard Baker - Cadeirydd |
Llywodraeth Cymru |
Dan Shears |
Undeb y GMB |
Claire Bloomfield |
Llywodraeth Cymru |
Mike Davies |
Gwasanaeth Tân ac Achub De Cymru |
Eirian Jones |
Cyngor Sir Ceredigion (CLAW) |
Ceri Williams |
TUC |
Craig Bramwell |
Cyngor Rhondda Cynon Taf (CLAW) |
Phil Mackie |
Bwrdd Iechyd Prifysgol a’r Fro |
Lyn Cadwallader |
Un Llais Cymru |
Natalie James-Rutledge |
Llywodraeth Cymru |
Rolau a chyfrifoldebau
Mae'r is-grŵp yn gyfrifol am:
- dileu rhwystrau y mae cyflogwyr yn eu hwynebu a allai effeithio ar y gallu i gyflawni o fewn eu sector corff cyhoeddus penodol
- hyrwyddo cydweithio ar draws y sector cyhoeddus yng Nghymru er mwyn ymgysylltu â rhanddeiliaid
- monitro a rheoli ffactorau y tu allan i reolaeth yr is-grŵp sy'n bwysig i lwyddiant
Amcanion arfaethedig
- Cynnal archwiliad / dadansoddiad o holl weithdrefnau rheoli asbestos y cyrff cyhoeddus.
- Creu a darparu porth ar gyfer rhannu canllawiau arfer gorau gan sicrhau mynediad at gymorth technegol / arbenigedd i gydymffurfio â'u cyfrifoldebau asbestos.
- Paratoi a chyhoeddi canllaw arfer gorau sy'n ymgorffori astudiaethau achos.
Cyfardodydd
Cyfarfodydd i'w cynnal bob chwarter.