Cylch gorchwyl: Y Grŵp Gorchwyl a Gorffen Systemau Storio Ynni

Yr amcan yw sicrhau bod systemau storio ynni yn cael eu rheoli'n ddiogel - yn benodol technolegau batri sy'n amrywio o fatris cerbydau trydan mawr i eitemau cludadwy bach fel fêps - o fewn adeiladau cyhoeddus. Mae hyn yn cynnwys nodi, asesu a lliniaru risgiau diogelwch fel tanau, peryglon anadlu, trydan, a llosgiadau sy'n gysylltiedig â defnyddio'r eitemau hyn, gwefru, cludo, storio a gwaredu systemau batri. Trwy ganolbwyntio ar y meysydd hyn, nod y grŵp yw darparu'r wybodaeth a'r arweiniad perthnasol i reolwyr ystadau cyhoeddus i weithredu arferion diogel a chyson ar draws eu hadeiladau a'u cyfleusterau.

Mae'r Grŵp Gorchwyl a Gorffen yn adrodd i'r Grŵp Diogelwch Adeiladau – is-grŵp o Ystadau Cymru.  Mae'r Grŵp Diogelwch Adeiladau wedi'i sefydlu i nodi ac ystyried risgiau diogelwch adeiladau ehangach, h.y. y rhai a allai arwain at nifer o farwolaethau,  a mynd i'r afael â nhw.  Mae'r Grŵp Diogelwch Adeiladau wedi nodi risgiau posibl sy'n gysylltiedig â gwefru a storio batris mewn offer/adeiladau/eiddo cludadwy a sefydlog, cynhyrchu pŵer ar y safle a gwefru cerbydau trydan a gosodiadau cysylltiedig.

1. Adolygu a chyfuno canllawiau presennol (y sector cyhoeddus, yswirwyr, awdurdodau tân, cyrff trafnidiaeth, sefydliadau proffesiynol) a nodi bylchau lle mae angen canllawiau newydd neu lle mae angen comisiynu canllawiau.
2. Os ystyrir ei fod yn angenrheidiol, cynhyrchu canllawiau canolog, ymarferol, a chyfeirio pobl at ganllawiau presennol, ar gyfer rheolwyr ystadau'r sector cyhoeddus, perchnogion adeiladau a'r rhai sy'n rheoli adeiladau sy'n ymdrin â:
   • Lliniaru risg tân ar gyfer gwefrwyr cerbydau trydan, systemau storio batri a gosodiadau cysylltiedig (integreiddio ffotofoltäig, weirio, dosbarthu).
   • Rheoli offer cludadwy y gellir eu hailwefru yn ddiogel (e-feiciau, offer cynnal a chadw adeiladau neu diroedd ac ati) fel ffrwd risg wahanol ond cysylltiedig. 
   • Ystyriaethau dylunio, gosod yn gywir, codi tâl, cynnal a chadw, arolygu a datgomisiynu.
   • Risgiau sy'n deillio o'r rhyngweithio rhwng dau neu ragor o wahanol fathau o fatri.
   • Risgiau mewnforio eitemau cost isel ac arferion ôl-osod gwael. 
   • Sicrhau bod lle i ddod o hyd i adnoddau technegol o safon a gofynion statudol/rheoleiddiol yn glir. 
   • Ystyried sut mae Rheoliadau Adrodd ar Anafiadau, Clefydau a Digwyddiadau Peryglus yn cyd-fynd â'r gwaith hwn. 
3. Cynhyrchu rhestrau gwirio, templedi asesu risg syml, astudiaethau achos a deunyddiau cyflwyno sy'n addas ar gyfer cynulleidfaoedd annhechnegol a chynghorau trefi a chymunedau llai.
4. Argymell comisiynu mewnbwn arbenigol annibynnol os oes angen a nodi anghenion cyllideb posibl.
5. Sefydlu a chynnal storfa o ganllawiau a rennir, astudiaethau achos ac arferion gorau ar gyfer aelodau'r grŵp a rhanddeiliaid.

Elfennau sy'n rhan o gwmpas y gwaith:

• Gosodiadau sefydlog: Pwyntiau gwefru cerbydau trydan (domestig, gweithle, cyhoeddus), systemau storio batri sefydlog a seilwaith ffotofoltäig cysylltiedig lle mae integreiddio yn effeithio ar ddiogelwch adeiladau.
• Offer ailwefru cludadwy: e-feiciau, sgwteri, offer llaw wedi'u pweru gan fatri ac offer cynnal a chadw tiroedd wedi'u storio neu eu gwefru mewn adeiladau.
• Caffael, cymhwysedd contractwyr, yswiriant a disgwyliadau cadw cofnodion ar gyfer sefydliadau'r sector cyhoeddus.

Elfennau nad ydynt yn rhan o gwmpas y gwaith:

• Safonau technegol manwl sy'n dod o dan gylch gwaith cyrff ardystio neu weithgynhyrchwyr (bydd yr is-grŵp yn cyfeirio at y rhain).
• Adeiladau dan berchnogaeth breifat lle nad oes gan y sector cyhoeddus gyfrifoldeb drostynt, ac eithrio adeiladau o'r fath sy'n cael eu rheoli gan gyrff cyhoeddus.

• Neal O’Leary Cadeirydd / Llywodraeth Cymru – Cyfarwyddwr, Cymunedau Dysgu Cynaliadwy     
• Tracy Kearns Llywodraeth Cymru – Pennaeth Gweithredu Polisi Gwefru Cerbydau Trydan a Datgarboneiddio 
• Anthony Pitcher  Uwch Gynghorydd Diogelwch Tân - Partneriaeth Cydwasanaethau GIG Cymru 
• Gareth Tovey  Undeb y Brigadau Tân  
• Clare Phillips Llywodraeth Cymru – Pennaeth Cydweithredu Cyhoeddus Ystadau Cymru
• Alwyn Jones Llywodraeth Cymru - Pennaeth Buddsoddi mewn Seilwaith - Gogledd
• Huw Davies  Gwasanaeth Tân ac Achub Canolbarth a Gorllewin Cymru 
• Arfon Davies Clerc y Dref - Cyngor Tref Llanelli
• Andrew Mclaren Gwasanaeth Tân ac Achub Gogledd Cymru
• Lewis Young Llywodraeth Cymru – Rheolwr Cyllido'r Cynllun Cymorth i Lesddaliad
• Steve Bergiers Heddlu Dyfed-Powys - Cadeirydd Is-grŵp Gwefru Cerbydau Trydan a Batris Lithiwm ar gyfer Partneriaeth Diogelwch Cymru Gyfan 
• Dan Stephens Prif Gynghorydd ac Arolygydd Tân ac Achub Cymru

• Cadeirydd: gosod agendâu, arwain cyfarfodydd, cadw ffocws ar gyflawniadau a sicrhau bod camau gweithredu yn cael eu dyrannu.
• Aelodau: mynychu cyfarfodydd, cyfrannu arbenigedd, rhannu dogfennau perthnasol ac arferion gorau, adolygu drafftiau, a chefnogi ymgysylltu â rhanddeiliaid a lledaenu gwybodaeth.
• Ysgrifenyddiaeth: rheoli'r storfa a rennir, cylchredeg papurau cyfarfod a chofnodi gweithredoedd.
• Arbenigwr a gomisiynwyd (os oes angen): cyfuno tystiolaeth, canllawiau drafft a chefnogi ymgynghori â rhanddeiliaid.

• Mae'r Grŵp Gorchwyl a Gorffen yn adrodd cynnydd ac argymhellion allweddol i'r rhiant-grŵp sef Grŵp Diogelwch Adeiladau erbyn dyddiadau penodol y cytunwyd arnynt.
• Bydd y canllawiau terfynol yn cael eu cymeradwyo gan y rhiant-grŵp cyn cael eu dosbarthu'n ehangach.
• Bydd ceisiadau am adnoddau sylweddol (e.e. comisiynu arbenigwyr annibynnol) yn cael eu cyfeirio at y rhiant-grŵp ar ffurf chais clir sy'n cynnwys costau.

Amlder

Misol neu fel y cytunwyd.

Fformat cyfarfodydd

Hybrid (wyneb yn wyneb ac ar-lein) i er mwyn galluogi cyfranogiad aelodau ledled Cymru a thu hwnt.  Bydd cyfarfodydd ar y safle yn cael eu hystyried mewn sefyllfaoedd lle mae budd wedi'i nodi i aelodau'r Grŵp Gorchwyl a Gorffen h.y. senario enghreifftiol mewn lleoliad penodol.

Papurau a chamau gweithredu

Agenda a phapurau wedi'u cylchredeg o leiaf 5 diwrnod gwaith ymlaen llaw; cofnodion a log gweithredu wedi'u cylchredeg o fewn 5 diwrnod gwaith ar ôl cyfarfodydd.

Gwneud penderfyniadau 

Consensws gwneud penderfyniadau lle bo'n bosibl; lle mae angen pleidleisiau, mwyafrif syml o'r aelodau sy'n bresennol sy'n penderfynu.

Cydweddu

Ensure links are made with other groups as required.